దారుణం.. మరొకరితో పెళ్లికి ఒప్పుకుందని కిరాతకానికి పాల్పడిన ప్రియుడు..

వివరాల్లోకి వెళితే..ఏడేండ్లుగా తనతో ప్రేమాయణం సాగించి ఇప్పుడు మరొకరితో పెండ్లికి సిద్ధపడిందన్న కోపంతో ఓ వ్యక్తి తన ప్రియురాలిపై కిరోసిన్ పోసి తగులబెట్టాడు. ఆమెతోపాటు ఆమె తల్లికి కూడా నిప్పంటించాడు. ఆ తర్వాత తనపై కూడా కిరోసిన్ పోసుకుని నిప్పు పెట్టుకున్నాడు. తమిళనాడు రాజధాని చెన్నైలో ఈ దారుణం జరిగింది. వివరాల్లోకి వెళ్తే.. నగరం లోని అనంతనాయకి నగర్‌కు చెందిన భూపాలన్ అలియాస్ సతీష్ ప్రైవేటు ఉద్యోగం చేస్తున్నాడు. అదే ప్రాంతానికి చెందిన ఓ యువతి అతను ఏడేళ్లుగా ప్రేమించుకుంటున్నారు.

రెండేండ్ల క్రితం చెన్నై మున్సిపల్ కార్పొరేషన్ ఉద్యోగి అయిన యువతి తండ్రి మరణించాడు. దాంతో సదరు యువతికి కారుణ్య నియామకం కింద తన తండ్రి ఉద్యోగం వచ్చింది.అక్కడే పనిచేసే ఓ ఉద్యోగితో ఆమెకు నిశ్చితార్థం జరిగింది. తనను ప్రేమించి ఇప్పుడు మరో వ్యక్తితో పెండ్లికి సిద్ధపడిందన్న కోపంతో భూపాలన్ ఆమెపై కక్ష పెంచుకున్నాడు.నిన్న ఆమె ఇంటికి వెళ్ళి ఆమె పై, అడ్డుగా వచ్చిన తల్లి పై కిరోసిన్ పోసి నిప్పంటించాడు. అనంతరం అతని పై కూడా నిప్పంటించాడు. వాళ్ళ అరుపులు విని చుట్టూ పక్కల వాళ్ళు వచ్చే లోగా ప్రాణాలను కోల్పోయారు. స్థానికుల సమాచారం మేరకు అక్కడకు చేరుకున్న పోలీసులు కేసు నమోదు చేసుకొని దర్యాప్తు చేస్తున్నారు.. 