పార్టీ కోసం అన్ని విషయాల్లో కూడా కొంతమందికి సహకారం అందిస్తే కనీసం పరిపాలనలో కూడా కొంతమంది మంత్రులు తమకు సహకరించడం లేదనే భావన లో జగన్ ఉన్నారు. తాజాగా మంత్రి పెద్దిరెడ్డి రామచంద్రారెడ్డి తన ఆధిపత్యం కోసం చేసిన వ్యాఖ్యలు రాజకీయ వర్గాల్లో సంచలనం అయింది. ఐఏఎస్ అధికారులను బెదిరించడం జాతీయ స్థాయిలో హైలెట్ అని చెప్పాలి. ఈ అంశంపై జాతీయ స్థాయిలో చర్చ కూడా జరుగుతోంది. జాతీయ మీడియా వర్గాలు కూడా సీరియస్ గా తీసుకున్నాయి. దీనిపై కేంద్ర ప్రభుత్వ వర్గాలు కూడా ఆసక్తిగా గమనిస్తున్నట్లు తెలుస్తుంది.

కొంతమందికి అధికారులతో ఇప్పటికే ప్రధానమంత్రి నరేంద్రమోడీ కార్యాలయ వర్గాలు సంప్రదింపులు జరుపుతున్నట్టు సమాచారం. వారి కట్టడి చేయలేని పరిస్థితుల్లో ముఖ్యమంత్రి జగన్ ఉన్నారని రాజకీయవర్గాలు అంటున్నాయి. చాలామంది మంత్రులు జగన్ మాట వినటం లేదనే భావన ఉంది. మంత్రులను కట్టడి చేయలేక జగన్ లో అసహనం పెరిగిపోతుందని దీనితో కొంతమంది పోలీసు అధికారులతో జగన్ నేరుగా మాట్లాడి మంత్రులు ఏమైనా తప్పులు చేస్తే కఠిన నిర్ణయాలు తీసుకోవాలని చెప్పారని అంటున్నారు. ఆయన ఇప్పటికే కొందరిని క్యాబినెట్ నుంచి తప్పించడానికి కూడా సిద్ధమైనట్లుగా తెలుస్తోంది. మరి ఎందుకు ఇలా ప్రవర్తిస్తున్నారో ఏంటో అర్థం కాక వైసిపి వర్గాలు కూడా ఆసక్తిగా చూస్తున్నాయి.