టీవీవీపీ లో పని చేసే వైద్యులు 600 మందికి ప్రమోషన్ ప్రక్రియ పూర్తి చేస్తాం అని ఆయన వెల్లడించారు. నిమ్స్ ,సరోజినీ ఆసుపత్రి లో అధునాతన వైద్య సేవలు అందిస్తున్నామని మంత్రి వివరించారు. ఐ సి యు, వెంటిలేటర్ బెడ్స్ నిమ్స్ లో 500 ఏర్పాటు చేస్తున్నాం అని ఆయన అన్నారు. గాంధీ లో ఆర్గాన్ ట్రాన్స్ ప్లాంట్ శస్త్ర చికిత్స కేంద్రం ఏర్పాటు చేస్తామని వెల్లడించారు. ఎం సి హెచ్ ఆసుపత్రులు అదనంగా బెడ్లు ఏర్పాటు చేస్తామని ఆయన వివరించారు. ఖాళీ పోస్టుల్లో డాక్టర్ల భర్తీ చేస్తాం అని తెలిపారు మంత్రి. 

బడ్జెట్ లో వైద్యారోగ్య శాఖ కు ప్రాధాన్యత ఇవ్వడం మంచి విషయం అని ఆయన అన్నారు. కానీ తెలంగాణ కు ఎంత మేరకు నిధులు వస్తాయి అనేది గ్యారెంటీ లేదు అని అన్నారు. రాబోయే వారం రోజుల్లో ఆరోగ్య శాఖ పై సుదీర్ఘ చర్చ చేస్తాం అని తెలిపారు. ఎంత నిధులు అవసరం అనేది ఆర్థిక శాఖ కు నివేదిస్తం అని తెలిపారు. ఆరోగ్యశ్రీ - ఆయుష్ మాన్ భారత్ అమలు పై త్వరలో నిర్ణయం తీసుకుంటామని అన్నారు. వచ్చే ఆర్థిక సంవత్సరం నుంచి అమలయ్యేలా చూస్తాం అన్నారు.