జగడ్డ: చిత్తూరులో టీడీపీ నేతల హైడ్రామా అదిరిపోయింది బాసూ..?

విషయానికొస్తే.. మండల పరిషత్‌ కార్యాలయం వద్ద శుక్రవారం నామినేషన్ల పరిశీలనకు హాజరైన టీడీపీ శ్రేణులు కవ్వింపులకు పాల్పడ్డాయి. రెబల్స్‌ను రెచ్చగొట్టి, వెనకాల నామినేషన్లు తిరస్కరించారని గొడవకు దిగి హైడ్రామాలకు తెర లేపారు. దీంతో అక్కడ కొంతసేపు ఉద్రిక్తత నెలకొంది. జిల్లాల్లోని మండలంలోని కొండామారిపల్లె, రామాచార్లపల్లె పంచాయతీల సర్పంచ్‌ పదవులకు టీడీపీ రెబల్‌ అభ్యర్థులుగా సరస్వతి, ఉమామహేశ్వరి, చెడే పుష్ప రెండు రోజుల క్రితం నామినేషన్లను దాఖలు చేశారు. నిన్న నామినేషన్ల పరిశీలన సందర్భంగా కొండామారిపల్లె పంచాయతీ సర్పంచ్‌ అభ్యర్థిగా నామినేషన్‌ వేసిన ఉమామహేశ్వరి గ్రామానికి ఆశా వర్కర్‌గా పనిచేస్తోందంటూ, ఆ పదవికి రాజీనామా చేయకుండా ఎలా పోటీలో నిలబడుతుంది. అంటూ ఇరువర్గాల మద్య తోపులాట జరిగింది. 

ఇది అనుకూలంగా మార్చుకున్న టీడీపీ శ్రేణులు అక్కడ ఉన్న ఓ రెబల్‌ అభ్యర్థిని రెచ్చ గొట్టి వెనకాల డ్రామా నడుపుతూ కవ్వింపులకు పాల్పడ్డారు. పోలీసులు కల్పించుకుని ఇరువర్గాల మధ్య జరుగుతున్న గొడవను అడ్డుకోవడంతో వివాదం సద్దుమణిగింది. సాయంత్రం రామాచార్లపల్లె గ్రామానికి టీడీపీ తరఫున సర్పంచ్‌ అభ్యర్థి గా నామినేషన్‌ దాఖలు చేసిన చెడే పుష్ప వర్గీయు లు సర్టిఫికెట్లను సమర్పించడానికి ఆర్వో వద్దకు వస్తుండడంతో గ్రామస్తులు అడ్డుకున్నారు. నిన్నటితో నామినేషన్లు వేయడం ముగిసింది..మళ్లీ ఇప్పుడు వెళ్లి ఎలా వేస్తారు అంటూ నిలదీశారు.దీంతో అక్కడ వాతావరణం కొద్ది సేపు రసాభాసగా మారింది.సమాచారం అందుకున్న పోలీసులు వెంటనే అక్కడకు చేరుకొని చెదరగొట్టడంతో గొడవ సద్దుమణిగింది.