టిడిపి నేతలు వర్ల రామయ్య, బోండా ఉమ, అశోక్ బాబు, వెంకట రాజు అనే నేతలు వెళ్లి అసలు ఏ నిబంధనల ప్రకారం మేనిఫెస్టో వెనక్కి తీసుకోవాలని ఆదేశించారు అని నిమ్మగడ్డను ప్రశ్నించారు. దానికి నిమ్మగడ్డ తాను ఏ నిబంధనల ప్రకారం వెనక్కి తీసుకోమని ఆదేశించానో వివరించారు. అనంతరం ఏమైనా ఇబ్బందులు ఉంటే కోర్టుకు వెళ్లాలని కూడా నిమ్మగడ్డ వారికి సూచించారట. అయితే ఈ వ్యవహారం అంతా పెద్ద ప్రాసెస్ లాగా ఉండడంతో టిడిపి నేతలు ఈ మేనిఫెస్టో ను వెనక్కి తీసుకుంటున్నట్లు గా ప్రకటించారు. 

ఇక అనంతరం మీడియాతో మాట్లాడిన వర్ల రామయ్య మంత్రి పెద్దిరెడ్డి రామచంద్రారెడ్డి మీద తీవ్రస్థాయిలో ఫైర్ అయ్యారు. రాజ్యాంగం ప్రకారమే నడుస్తామని మంత్రిగా ప్రమాణ స్వీకారం చేసిన మంత్రి రామచంద్ర రెడ్డి రాజ్యాంగ పదవిలో ఉన్న నిమ్మగడ్డ రమేష్ కుమార్ మీద ఇలాంటి వ్యాఖ్యలు చేయడం సబబేనా అని ప్రశ్నించారు. రాజ్యాంగ సంస్థ అయిన రాష్ట్ర ఎన్నికల సంఘం మాట వినకుండా తాము చెప్పిన మాట వినాలని అధికారులకు ఆదేశించడం రాజ్యాంగ దిక్కరణ అవుతుందని ఆయన పేర్కొన్నారు. ఇదే అంశం మీద టిడిపి నేతలు ఈరోజు గవర్నర్ ను కలిసి మంత్రి పెద్దిరెడ్డి మీద ఫిర్యాదు కూడా చేయనున్నట్లు తెలుస్తోంది..