ఇంతకీ ఆ సినిమా ఏమిటంటే గత ఏడాది మలయాళ స్టార్ హీరో దుల్కర్ సల్మాన్ తో ప్రేమ కథ సినిమాల స్పెషలిస్టు అయిన హను రాఘవపూడి ఒక సినిమా అనౌన్స్ చేసిన సంగతి తెలిసిందే. ఈ సినిమా యుద్ధ నేపథ్యంలో జరుగుతుందని ఆయన రిలీజ్ చేసిన ఫస్ట్ లుక్ పోస్టర్లు తేల్చిచెప్పాయి. భారీ బడ్జెట్ తో తెలుగు, మలయాళ, తమిళ, హిందీ భాషలలో విడుదల కానున్న ఈ సినిమాలో పూజ హెగ్డే దాదాపుగా హీరోయిన్ గా ఎంపికయింది అని అనుకున్నారు. 

కానీ అది నిజం కాదట ఈ చిత్రంలో హీరోయిన్ గా మలయాళ భామ మృణాల్ ఠాకూర్ ను తీసుకోవాలని భావిస్తున్నట్లు చెబుతున్నారు. ఈ భామ ఇప్పటికే హిందీలో జెర్సీ రీమేక్ సినిమాలో నటిస్తోంది. ఇప్పటికే వరుసగా ఆమెకు బాలీవుడ్ అవకాశాలు వెతుక్కుంటూ వస్తున్నాయి. ఈ సమయంలోనే హను రాఘవపూడి ఆమెను కాంటాక్ట్ అయినట్లు తెలుస్తోంది. ఈ సినిమా కూడా బాలీవుడ్ సహా మిగతా మూడు భాషల్లో కూడా రిలీజ్ అవుతున్న నేపథ్యంలో ఆమె వెంటనే సినిమా ఒప్పుకుందని అంటున్నారు. దీనికి సంబంధించి వీలైనంత త్వరలో అధికారిక ప్రకటన కూడా వెలువడే అవకాశం ఉందని అంటున్నారు.