అయితే, కొత్త విధానానికి అనుగుణంగా హెచ్‌-1బీ నమోదు, ఎంపిక ప్రక్రియలో మార్పులు చేయాల్సి ఉన్నందున దీనిని డిసెంబరు 31 వరకు వాయిదా వేస్తున్నట్లు డిపార్ట్‌మెంట్‌ ఆఫ్‌ హోంల్యాండ్‌ సెక్యూరిటీ ఓ ప్రకటనలో తెలిపింది. అప్పటివరకు పాత లాటరీ విధానాన్నే కొనసాగించనున్నట్లు వెల్లడించింది. ఇక గతంలో కంప్యూటర్ ప్రోగ్రామర్‌లకు హెచ్ -1 బీ వీసాలకు అర్హత లేదని పేర్కొన్న యూఎస్‌సిఐఎస్.. ఫిబ్రవరి 3న మునుపటి మార్గదర్శకాలను రద్దు చేసింది. యుఎస్ అప్పీలేట్ కోర్టు ఉత్తర్వుల ప్రకారం ఈ నిర్ణయం తీసుకుంది. ఈ కేసులో భారతీయ వ్యక్తిని కంప్యూటర్ ప్రోగ్రామర్‌గా నియమించుకోవడానికి ఇన్నోవా సొల్యూషన్స్ ప్రయత్నించగా.. అతడికి హెచ్-1బీ వీసాను యూఎస్‌సీఐఎస్ నిరాకరించింది. ఈ నిర్ణయాన్ని కోర్టులో సవాల్ చేయడంతో అక్కడ అనుకూలంగా తీర్పు వచ్చింది. దీంతో యూఎస్‌సీఐఎస్ తన నిబంధనలను సవరించింది.