ఎక్కడా దీనికి సంబంధించిన ప్రచారం చేయ వద్దని జిల్లాలకు పంపిన కాపీలను కూడా వెనక్కి తప్పించుకోవాలని ఆదేశించారు. నిజానికి నిమ్మగడ్డ ఎన్నికల నియమావళినే ఫాలో అయ్యారు. ఎందుకంటే ఈ పంచాయతీ ఎన్నికలు పార్టీల గుర్తులు ఆధారంగా జరగవు. పైకి మాత్రం అలా చెబుతున్నా ఏ గ్రామంలో చూసినా ఏదో ఒక పార్టీకి సంబంధించిన మద్దతుదారులు సర్పంచ్ అభ్యర్థిగా లేకుంటే వార్డు మెంబర్ అభ్యర్థిగా ఉంటారు. ఎక్కడో నూటికో కోటికో స్వతంత్ర అభ్యర్థులు గెలుస్తూ ఉంటారు. అంటే పైకి పార్టీలు లేవంటూనే పార్టీలను రంగులతోనే ప్రచారం చేస్తారు. ఆ విషయాలు ఎలా ఉన్నా ఇప్పుడు బాబుకు షాక్ అనే అంశమే ఆశ్చర్యకరంగా మారింది.

ఎందుకంటే సాధారణంగా ఎన్నికల నియమావళిని ఉల్లంఘిస్తే రాష్ట్ర ఎన్నికల సంఘం కానీ ఎన్నికల సంఘం కానీ తీసుకునే చర్యలు కఠినంగా అయితే ఉండవు. బాగా కఠినంగా శిక్షించడం అంటే వారిని ప్రచారానికి వెళ్లొద్దని నిషేధించడం. గత తెలంగాణ ఎన్నికల సమయంలో కొందరు నేతలకు ఈ శిక్ష విధించారు కూడా. ఇక ఆ తర్వాత హెచ్చరికలు జారీ చేయడం వివరాలు తీసుకోవడం లాంటివి చేస్తూ ఉంటారు. ఇప్పుడు ఈ మ్యానిఫెస్టో విషయంలో జరిగింది కూడా అలాంటిదే. నిజానికి ఆన్లైన్ లో ప్రకటించిన మేనిఫెస్టో ని ఎలా ఉపసంహరించుకుంటారా తెలియదు. కనీసం ఆ మేరకు టిడిపి ప్రకటన చేస్తుందా అనేది కూడా ఆశ్చర్యకరమే. దీనిని షాక్ అని మీడియా ఎలా ప్రొజెక్ట్ చేసిందో వారికే తెలియాలి మరి.