തിരുവനന്തപുരം
ഉദ്യോഗാർഥികളുടെ ആവശ്യം പരിഗണിച്ച്‌ റാങ്ക് ലിസ്റ്റുകളുടെ കാലാവധി ആറുമാസത്തേക്ക് നീട്ടാൻ പിഎസ്‌സിയോട് ശുപാർശ ചെയ്യാൻ മന്ത്രിസഭാ യോഗം തീരുമാനിച്ചു. 2021 ഫെബ്രുവരി മൂന്നിനും ആഗസ്‌ത്‌ രണ്ടി-നും ഇടയ്ക്ക് അവസാനിക്കുന്ന എല്ലാ റാങ്ക് ലിസ്റ്റുകളുടെയും കാലാവധി 2021 ആഗസ്‌ത്‌ മൂന്നുവരെ നീട്ടും.
എല്ലാ ജില്ലയിലെയും എൽഡിസി, എൽജിഎസ്‌, ഡ്രൈവർ, സ്‌റ്റാഫ്‌ നേഴ്‌സ്‌ ഉൾപ്പെടെ 473 തസ്തികയില്‍ റാങ്ക് പട്ടികയിലുള്ളവര്‍ക്ക് തീരുമാനം പ്രയോജനപ്പെടും. ഏപ്രിൽ, മെയ്‌ മാസങ്ങളിൽ സർക്കാർ സർവീസിൽനിന്ന്‌ വൻതോതിൽ ജീവനക്കാർ വിരമിക്കുന്നുണ്ട്‌. ഈ ഒഴിവുകളിലേക്ക്‌ നിലവിലുള്ള റാങ്ക് പട്ടികയില്‍ നിന്ന്‌ നിയമനം ലഭിക്കുന്നതോടെ ആയിരക്കണക്കിന് ഉദ്യോഗാ ർഥികളുടെ തൊഴിൽസ്വപ്നം സാക്ഷാൽക്കരിക്കപ്പെടും.
കോവിഡ് വ്യാപനം കാരണം പിഎസ്‌സി പരീക്ഷാ നടത്തിപ്പ്‌ സമയക്രമത്തിൽ വ്യത്യാസം വന്നതും റാങ്ക് ലിസ്റ്റ് പ്രസിദ്ധീകരിക്കുന്നതിന് കൂടുതൽ സമയമെടുക്കുന്നതും കണക്കിലെടുത്താണ്‌ തീരുമാനം. വിവിധ വകുപ്പുകളിൽ ആയിരക്കണക്കിന് തസ്തികകൾ സർക്കാർ സൃഷ്ടിച്ചിരുന്നു. ലിസ്റ്റുകളുടെ കാലാവധി നീട്ടണമെന്ന്‌ ഉദ്യോഗാർഥികളും ഡിവൈഎഫ്‌ഐയും സർക്കാരിനോട്‌ ആവശ്യപ്പെട്ടിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
