అలాంటిది తొలిసారి తన వయసుకు తగ్గ పాత్ర రాజశేఖర్ చేస్తూ ఉండడం కాస్త చర్చనీయాంశంగా మారింది. ఈ సినిమాని ముందునుంచి నీలకంఠ అని సీనియర్ దర్శకుడు తెరకెక్కిస్తారని ప్రచారం జరిగింది. అనంతర కాలంలో ఆయన తప్పుకున్నాడని కూడా ప్రచారం జరిగింది. జీవిత దర్శకత్వం వహిస్తారని కూడా ప్రచారం జరగగా అవి నిజం కాదని తేలింది. లలిత్ అనే కుర్ర దర్శకుడికి ఈ సినిమా బాధ్యతలు అప్పచెప్పారు. ఈయన గతంలో కృష్ణవంశీ దగ్గర అసోసియేట్ దర్శకుడిగా పని చేశాడు. 

ఈ సినిమానే మొదటి సినిమా, అయినా నిర్మాతలు, హీరో ఆయనను నమ్మి సినిమా అప్పగించినట్లు తెలుస్తోంది. ఈ మధ్య కాలంలో వస్తున్న డెబ్యూ దర్శకులు అందరూ తమ తమ సత్తా మొదటి సినిమాతోనే చాటుకుంటున్నారు. మరి ఈ దర్శకుడు ఏం చేస్తాడు అనేది ఆసక్తికరంగా మారింది. ముందు నుంచి ప్రచారం జరుగుతున్నట్టుగా నే ఈ సినిమా మలయాళంలో సూపర్ హిట్టయిన జోసెఫ్ సినిమాకి రీమేక్ అనేది అర్థం అయిపోతుంది. టైటిల్ రివీల్ లుక్ చూస్తేనే ఆ విషయం జనానికి క్లారిటీ వచ్చేస్తుంది. మరి మలయాళంలో ఈ సినిమా సూపర్ హిట్ కావడంతో తెలుగు లో కూడా సూపర్ హిట్ అవుతుందని భావిస్తున్నారు. చూడాలి మరి ఏమవుతుందో ?