നിയന്ത്രണം വിട്ട കാർ വീട് ഇടിച്ചു തകർത്തു

തെന്മല : കൊല്ലം-തിരുമംഗലം ദേശീയപാതയിൽ വെള്ളിമലയിൽ നിയന്ത്രണം വിട്ടു വന്ന വീട്ടിലേക്ക് ഇടിച്ചുകയറി. വെള്ളിമല അമൃതഭവനിൽ രാജേഷിന്റെ വീടിന്റെ ഒരുഭിത്തി തകർന്നു. ഈ സമയം വീട്ടിനുള്ളിലുണ്ടായിരുന്ന ഭാര്യ ബീനയും മക്കളായ അമൃതയും അമലും പരിക്കേൽക്കാതെ രക്ഷപ്പെട്ടു.

കഴിഞ്ഞദിവസം വൈകീട്ട് നാലരയോടെയാണ് സംഭവം. റോഡരികിലെ കലുങ്കിനുമുകളിലൂടെയാണ് വീടിന്റെ വരാന്തയുടെ ഭാഗത്ത്‌ ഇടിച്ചുനിന്നത്. നിസ്സാര പരിക്കേറ്റ കാർ യാത്രികരെ ആശുപത്രിയിൽ പ്രവേശിപ്പിച്ചു.