కాగా, ప్రస్తుత సమీక్షా కాలంలో మొత్తం ఆదాయం 24 శాతం ఎగసి రూ. 26,518 కోట్లను తాకింది.ఈ సక్సెస్ కు ముఖ్య కారణం టారిఫ్ ప్లాన్ లు మారిపోవడం. ఎయిర్ టెల్ కష్టమర్లు పదింతలు కావడం కూడా మరొక కారణంగా చెప్పవచ్చు..క్యూ3లో దేశీ బిజినెస్‌ టర్నోవర్‌ సైతం 25 శాతం జంప్‌చేసి రూ. 19,007 కోట్లకు చేరింది. ఒక్కో వినియోగదారుపై సగటు ఆదాయం రూ. 135 నుంచి రూ. 166కు ఎగసింది. క్యూ3లో ఆఫ్రికా నుంచి ఆదాయం 22 శాతం పుంజుకుని రూ. 7,644 కోట్లకు పెరిగి రికార్డును సృష్టించింది. 

ఎటువంటి వాతావరణం బయట కొనసాగిన కూడా పటిష్ట పనితీరును చూపగలిగినట్లు భారతీ ఎయిర్‌టెల్‌ దక్షిణాసియా ఎండీ, సీఈవో గోపాల్‌ విఠల్‌ పేర్కొన్నారు. పోర్ట్‌ఫోలియోలోని ప్రతీ విభాగంలోనూ స్థిరమైన వృద్ధిని సాధించినట్లు తెలియజేశారు. పెరిగిన మార్కెట్‌ వాటా ద్వారా ఇది ప్రతిఫలిస్తున్నట్లు చెప్పారు. క్యూ3లో ప్రధానంగా 13 మిలియన్ల 4జీ కస్టమర్లు కొత్తగా జత కలిసినట్లు పేర్కొన్నారు. తద్వారా ఈ సంఖ్య 165.6 మిలియన్లకు చేరినట్లు తెలియజేశారు. దేశంలోనే తొలిసారిగా హైదరబాద్‌ నగరంలో ఒక వాణిజ్య నెట్‌వర్క్‌పై 5 జి నెట్ వర్క్ ను అందిస్తున్నారు. డిబెంచర్లు, బాండ్లు తదితర మార్గాలలో నిధుల సమీకరణకు బోర్డు అనుమతించినట్లు ఎయిర్‌టెల్‌ తాజాగా వెల్లడించింది. ఒకేసారి లేదా దశలవారీగా రూ. 7,500 కోట్ల వరకు పెంచే అవకాశం ఉన్నట్లు సమాచారం... ప్రస్తుతం ఈ నెలకు లాభాలను పొందిందని స్పష్టంగా తెలుస్తుంది.