అడ్డు అదుపు లేకుండా తాగితే మనిషికి మత్తు ఎక్కుతుంది. ఆ మైకంలో వారు ఏం చేస్తున్నారో వారికే గుర్తుండదు. అయితే, అమెరికాకు చెందిన ఓ మహిళకు అసలు మద్యమే అలవాటు లేదు. ఎప్పుడూ దాన్ని ముట్టనూలేదు. అయినా ఆమెను నిత్యం మత్తు ఆవహిస్తోంది. మద్యం తాగినవాళ్లలా మార్చేస్తోంది. ఇందుకు ఆటో-బ్రేవరీ సిండ్రోమ్‌ అనే వ్యాధి కారణమని వైద్య నిపుణులు పరీక్షించి తేల్చి చెప్పారు. 

కనెక్టికట్‌లో నివసించే 38 ఏళ్ల సారా లెఫెబ్రే కడుపులో ఈస్ట్‌ ఫంగస్‌ అధిక మోతాదులో ఇథనాల్‌గా మారుతోంది. ఈ ఇథనాల్‌ రక్తంలో చేరి శరీరమంతా వ్యాపిస్తోంది. దీంతో అచ్చం మద్యం తాగినవాళ్లకు వచ్చినట్లుగానే సారాకు మత్తు వస్తోంది. ఎలాగంటే పూటుగా తాగిన మైకంలో పడిపోయింది.మద్యం మత్తులో స్పృహ లేకుండా శరీరం గడ్డకట్టుకుపోయే చలిలో ఇంటి బయటే పడుకుంది. తాగకపోయినా ట్రంక్‌ అండ్‌ డ్రైవ్‌లో ఆరుసార్లు పోలీసులకు చిక్కింది. మద్యం మత్తులో నడుస్తూ కిందపడి అనేక సార్లు ఎముకలు విరిగాయి. ఈ సమస్యకు కాలేయం మార్పిడి ఒక్కటే మార్గమని వైద్యులు వెల్లడించారు. అవయవ మార్పిడి జరిగే వరకు యాంటి-ఫంగల్‌ చికిత్స తీసుకోవచ్చని వైద్యులు సూచించారు.. ప్రస్తుతం సారా వైద్యం తీసుకుంటూనే ఆ ఆపరేషన్ కోసం ట్రై చేస్తుంది.. ఈ ఘటన అందరినీ ఆలోచనలో పడేసింది..