ఆ నిబంధనల ప్రకారం బ్రిటన్లోకి కేవలం క్వీన్ తేనెటీగలను మాత్రమే వేరే దేశాల నుంచి వాటిని తీసుకొనిరావొచ్చు.. తేనెతుట్టెలను భారీ సంఖ్యలో దిగుమతి చేసుకునేందుకు వీలు లేదు. నిషేధం నుంచి తప్పించుకునేందుకు ప్రారంభంలో ఉత్తర ఐర్లాండ్ నుంచి ముర్ఫెట్ తేనెటీగలను దిగుమతి చేసుకొని.. హెచ్చరికలకు గురయ్యాడు. అప్పుడే వాటిని నాశనం చేస్తామని అధికారులు హెచ్చరించారు.నేను ఎంతో ప్యాషన్తో తేనెటీగలను పెంచుతున్నా. దాదాపు 20 ఏళ్లుగా ఇదే పని చేస్తున్నా. సొంత కాళ్లపై నిలబడి ప్రపంచమంతా తేనెను ఎగుమతి చేయాల్సి ఉండగా ఇలాంటి నిబంధనలు తేలవడం అర్ధరహితం' అని ఆయన చెప్పారు. ఈ విషయం విన్న అధికారులు ఆగ్రహం వ్యక్తం చేశారు. 

ఇకపోతే ముర్ఫెట్ ఇటలీ నుంచి అధిక సంఖ్యలో చాలా సార్లు తేనెటీగలను దిగుమతి చేసుకున్నారు. తాను ఇప్పటికే 20వేల యూరోలు డిపాజిట్ చేశానని, ఆ దేశం నుంచి ఇక తేనెటీగలను తెచ్చుకోలేకుంటే లక్ష యూరోలు నష్టపోతానని వాపోయాడు. అంతేకాదు యూరప్లో తేనెటీగలు తగ్గిపోతున్న మూడు దేశాల్లో బ్రిటన్ ఒకటి. దీన్ని ప్రభుత్వం పట్టించుకోవడం లేదు. ఇలా చేయడం వల్ల తేనె ఉత్పత్తి తగ్గుతుంది. దిగుమతి పెరుగుతుంది. లాభాలు తగ్గుతాయి' అని ముర్ఫెట్ ఆవేదన వ్యక్తం చేశారు. తన వ్యాపారం నష్టపోకుండా ఉండాలంటే ప్రభుత్వం ఈ వ్యాపారాన్ని కొనసాగించేలా అనుమతులు ఇవ్వాలని విజ్ఞప్తి చేశాడు..