మరోసారి రెచ్చిపోయిన లోకేశ్.. ప్రభుత్వం పై ఘాటు వ్యాఖ్యలు..

రాష్ట్రంలో రాజారెడ్డి రాజ్యాంగం అమలుచేస్తున్నారని.. ఇప్పటివరకు 19 మంది టీడీపీ కార్యకర్తలను హత్య చేశారని లోకేష్ ఆరోపించారు. ఈ పాపం ఊరికే పోదని హెచ్పరించారు. పట్టాభిపై దాడి చేశారు.. అచెన్నాయుడిని అరెస్ట్ చేశారని విమర్శించారు. పోరాటం టీడీపీ-వైసీపీ మధ్య కాదు.. అంబేద్కర్ రాజ్యాంగం, రాజారెడ్డి రాజ్యాంగానికి మధ్య పోరాటమన్నారు. రాష్ట్ర వ్యాప్తంగా ఉన్న టీడీపీ నేతల పై వైసీపీ శ్రేణులు కుట్రలు పన్నుతున్నారు. నేతల కిడ్నాప్, హత్యలు కూడా జరుగుతున్నాయి అంటూ లోకేశ్ అన్నారు. 

తూర్పుగోదావరి జిల్లాలో పర్యటిస్తున్న ఎస్ఈసీ నిమ్మగడ్డ రమేశ్ కుమార్ గొల్లలగుంటలో శ్రీనివాసరెడ్డి కుటుంబాన్ని పరామర్శించారు. అభ్యర్ధి భర్త మృతిపై కుటుంబానికి పలు అనుమానాలున్నాయని, విచారణ ద్వారా నిజాలు తెలియాల్సి ఉందని అన్నారు. ఈ ఘటన ను రాజకీయ కోణంలో కాకుండా మానవత్వ దృక్పథంలో చూడాలని నిమ్మగడ్డ వెల్లడించారు. శ్రీనివాసరెడ్డి ఆత్మహత్యపై ఆయన కుటుంబ సభ్యులు అనుమానాలు వ్యక్తం చేస్తున్నారు.. ఇది కచ్చితంగా హత్యేనంటున్నారు.. రక్షణ కల్పిస్తామన్న పోలీసులు ఎక్కడికి వెళ్లారని శ్రీనివాసరెడ్డి కుటుంబ సభ్యులు ప్రశ్నిస్తున్నారు. వైసీపీ నాయకుల కు వత్తాసు పలకడం మానేసి.. ప్రజలకు అండగా నిలవాలని కోరుతున్నారు. పంచాయితీ ఎన్నికలకు పార్టీల నేతలు కొత్త వ్యూహాలను రచిస్తూ వస్తున్నారు. ఎన్నికల్లో గెలుపు కోసం గట్టిగానే ప్రయత్నిస్తున్నారు. మరి ఎవరికీ గెలుపు వరిస్తుందో , ఏ పార్టీ సత్తాను చూపుతుందో వంటి అంశాలు ఆసక్తి మారుతున్నాయి. 