సరే నిమ్మగడ్డ కమిటి ముందు హాజరవుతారా ? సంజాయిషి ఇస్తారా అన్నది వేరే సంగతి. ఇక్కడ గమనించాల్సిన విషయం ఏమిటంటే నిమ్మగడ్డ మీద యాక్షన్ తీసుకునే విషయంలో ప్రభుత్వం చాలా జాగ్రత్తగా పావులు కదుపుతోంది. నిమ్మగడ్డ మీద యాక్షన్ తీసుకోవటంలో కూడా తొందరపాటు చూపటం లేదు. తాజాగా కాకాణి చెప్పిన ప్రకారమైతే నిమ్మగడ్డ మీద యాక్షన్ తీసుకోవటం తథ్యంమని తేలిపోయింది. అందుకనే గతంలో మహారాష్ట్రలో ఎలక్షన్ కమీషనర్ విషయంలో జరిగిన విషయాన్ని ఉదాహరణగా చెప్పారు. అంటే అప్పుడు మహారాష్ట్ర ఎన్నికల కమీషనర్ ను స్పీకర్ ఆదేశాల ప్రకారం రెండు రోజులు జైలుకు పంపారట. తర్వాత ఇదే విషయమై కమీషనర్ కోర్టులో కేసు వేసినా దాన్ని హైకోర్టు కొట్టేసిందట. కాకాణి చెప్పిన ఈ ఒక్క ఉదాహరణ చాలు నిమ్మగడ్డ మీద యాక్షన్ కు వేదిక రెడీ అయిపోయిందని అనుకోవటానికి. కాకపోతే ఎప్పుడనేదే సస్పెన్స్.