ఇప్పటికే దాదాపుగా పెద్ద సినిమాలు అన్ని రిలీజ్ డేట్ లు ప్రకటించిన నేపథ్యంలో ఇప్పుడు చిన్న సినిమాలు కూడా వరుసగా రిలీజ్ అవుతూ వస్తున్నాయి. అయితే ఫిబ్రవరి ఐదో తారీకు న ఏకంగా 10 సినిమాలు విడుదలకు రెడీ అవ్వడం ఇప్పుడు టాలీవుడ్ లో చర్చనీయాంశంగా మారింది. ఫిబ్రవరి 5వ తారీఖు న విడుదల కానున్న సినిమాల లిస్టు ఇలా ఉంది. జాంబి రెడ్డి, జి జాంబి, చేతిలో చెయ్యేసి చెప్పు బావా, విట్టల్ వాడి, జర్నలిస్ట్, ప్రణవం, రాధా కృష్ణ‌, నాతో ఆట‌, జై మ‌రియ‌మ్మ‌, బొమ్మ అదిరింది – దిమ్మ తిరిగింది అనే సినిమాలు 5వ తేదీన రిలీజ్ కానున్నాయి. 

అయితే ఇన్ని సినిమాలు రిలీజ్ అవుతున్నా జంబీ రెడ్డి ఒక్కటే కాస్త క్రేజ్ తెచ్చుకున్న మూవీ అని చెప్పాలి. ఎందుకంటే గతంలో ఆ,  కల్కి లాంటి సినిమాలను రూపొందించిన ప్రశాంత్ వర్మ ఈ సినిమా రూపొందించడంతో పాటు తెలుగులో మొట్టమొదటి జాంబీ చిత్రం కావడంతో ఈ సినిమా మీద ఆసక్తి నెలకొంది. ఇక రాధాకృష్ణ సినిమాని కూడా దర్శకుడు శ్రీనివాస్ రెడ్డి దర్శకత్వం వహించడంతో కాస్త ఆసక్తి నెలకొంది అని చెప్పవచ్చు.