ഇരിങ്ങാലക്കുട: കണ്ഠേശ്വരം ക്ഷേത്രത്തിൽ കവർച്ച നടത്തിയ കേസിൽ രണ്ടു ബംഗാൾ സ്വദേശികൾ അറസ്റ്റിൽ. മുഹമ്മദ് സോനു(24), അനാമുൽ ഇസ്‍ലാം(21) എന്നിരെയാണ് പിടികൂടിയത്. പകൽ മുഴുവൻ ആക്രി സാധനങ്ങൾ ശേഖരിച്ച് നടക്കുന്ന ഇരുവരും അമ്പലങ്ങളും പള്ളികളും ആൾ താമസമില്ലാത്ത വീടുകളും നോക്കിവച്ച ശേഷം രാത്രി മോഷണം നടത്തുകയാണ് പതിവെന്നും മറ്റ് ചിലയിടത്തും ഇവർ മോഷണത്തിന് പദ്ധതിയിട്ടിരുന്നതായും പൊലീസ് പറഞ്ഞു.
പ്രതികളെ റിമാൻഡ് ചെയ്തു. ഡിവൈഎസ്പി പി.ആർ.രാജേഷിന്റെ നേതൃത്വത്തിൽ രൂപീകരിച്ച പ്രത്യേക അന്വേഷണ സംഘത്തിൽ അഡീഷനൽ എസ്ഐ ഡെന്നി, എഎസ്ഐ സലിം, സിപിഒമാരായ വൈശാഖ് മംഗലൻ, നിധിൻ, ഫൈസൽ, സുധീഷ്, ഷൗക്കർ എന്നിവരും ഉണ്ടായിരുന്നു.
Post Your Comments