దీంతో ఈ సినిమా రెగ్యులర్ షూటింగ్ కు బ్రేకులు పడ్డాయి. అయితే ఎట్టాకేలకు ఈ సినిమా షూటింగ్ ఇటీవల ప్రారంభం అయ్యింది. చాలా కాలం గ్యాప్ మరియు వాయిదాల అనంతరం ఈ మధ్యనే దుబాయ్ లో కీలక షెడ్యూల్ తో సినిమా షూటింగ్ స్టార్ట్ చేశారు. మరి ఈ షెడ్యూల్ లో మహేష్ మరియు కీర్తిల మధ్య ఒక రొమాంటిక్ ట్రాక్ ను తియ్యడమే కాకుండా సినిమాకు కీలకమైన మరిన్ని సీన్స్ కూడా తెరకెక్కిస్తారని టాక్ వచ్చింది. అయితే ఇప్పుడు లేటెస్ట్ గా వినిపిస్తున్న బజ్ ప్రకారం అక్కడే మహేష్ పై ఓ అదిరే యాక్షన్ సీక్వెన్స్ ను కూడా మేకర్స్ రెడీ చేస్తున్నట్టుగా తెలుస్తుంది.

 దీనిని స్టంట్ మాస్టర్స్ రామ్ లక్ష్మణ్ లు డిజైన్ చేస్తున్నారని వార్తలు వస్తున్నాయి. మరి ఇది ఎంత వరకు నిజమో తెలియాల్సి ఉంది. ఇక ఈ సాలిడ్ ప్రాజెక్ట్ కు థమన్ సంగీతం అందిస్తుండగా మైత్రి మూవీ మేకర్స్ మరియు 14 రీల్ ఎంటర్టైన్మెంట్స్ తో మహేష్ సంయుక్తంగా ఈ చిత్రాన్ని నిర్మిస్తున్నారు. ఈ సినిమాను 2022 సంక్రాంతి కి విడుదల చెయ్యనున్నట్లు చిత్రబృందం అధికారికంగా ప్రకటించింది. మరి ఈ సినిమా తో మహేష్ ఎలాంటి విజయం అందుకుంటాడో చూడాలి. .