అయినా అదే రోజున బాలయ్య సినిమా రిలీజ్ డేట్ అనౌన్స్ చేయడం సంచలనంగా మారింది. అయితే రవితేజ బాలకృష్ణ గతంలో మూడుసార్లు బాక్సాఫీసు వద్ద పోటీ పడ్డారు. ఈ మూడు సార్లు రవితేజనే గెలవడం గమనార్హం. ముందుగా రవితేజ బాలకృష్ణ 2008 సంవత్సరంలో పోటీపడ్డారు. ఆ ఏడాది రవితేజ కృష్ణ అనే సినిమాతో ప్రేక్షకుల ముందుకు రాగా బాలకృష్ణ మిత్రుడు అనే సినిమాతో ప్రేక్షకుల ముందుకు వచ్చాడు. ఈ రెండిట్లో కృష్ణ సినిమా సూపర్ హిట్టయ్యింది. 

ఆ తర్వాత రవితేజ కిక్ అనే సినిమాతో ప్రేక్షకుల ముందుకు రాగా అదే ఏడాది బాలకృష్ణ ఒక్క మగాడు అనే సినిమాతో ప్రేక్షకుల ముందుకు వచ్చాడు. అప్పుడూ రవితేజ సినిమానే హిట్ అయింది. ఆ తర్వాత రవితేజ మిరపకాయ్ సినిమా తో ప్రేక్షకుల ముందుకు వస్తే బాలకృష్ణ పరమవీరచక్ర అనే సినిమాతో వచ్చాడు. ఈ మూడు సినిమాలు దాదాపుగా పోటాపోటీగా రిలీజ్ అయ్యాయి. కానీ మూడు సినిమాల్లోనూ రవితేజనే సక్సెస్ సాధించాడు. దీంతో ఈ సారి ఎవరు సక్సెస్ సాధిస్తారు అనేది ఆసక్తికరంగా మారింది.