గత కొన్ని రోజులుగా పెట్రోల్, డీజిల్ ధరలు పెరుగుతుండటం ఆందోళన కలిగిస్తోంది. ఈ ధరల ప్రభావం అటు కూరగాయలు, నిత్యావసరాలపైనా పడుతోంది. పెట్రోల్, డీజిల్తో పాటు ఎల్పీజీ ధరలు కూడా కొండెక్కాయి. ఇది సామాన్యుడికి మరింత భారంగా మారింది. ఇంధన ధరలు తగ్గించడానికి కేంద్రంలోని బీజేపీ సర్కార్ ఏవైనా చర్యలు చేపడుతుందని ఆశించినా.. అలా జరగలేదు. పెట్రోల్ ధర అతి త్వరలో రూ.100కు చేరనుంది. దీంతో సామాన్యుడిలో నైరాశ్యం నెలకొంది. దేశ రాజధాని ఢిల్లీలో లీటర్ పెట్రోల్ ధర రూ. 86.30గా ఉంది. ఇక డీజిల్ ధర రూ.76.48గా ఉంది. ఆర్థిక రాజధాని ముంబైలో లీటర్ పెట్రోల్ ధర రూ.92.86 ఉండగా, డీజిల్ ధర రూ.83.30కు చేరింది. ఇక హైదరాబాద్లో లీటర్ పెట్రోల్ ధర రూ.89.77గా, లీటర్ డీజిల్ ధర రూ.83.46 గా ఉంది. విజయవాడలో లీటర్ పెట్రోల్ ధర రూ.92.69గా, డీజిల్ ధర రూ.85.85గా ఉంది. గత కొన్ని రోజులుగా మరలా పైపైకి పెరుగుతున్న ఈ పెట్రోల్ ధరలు ఎప్పటికి తగ్గేనో అని సామాన్య ప్రజలు ఎదురుచూస్తున్నారు