టీఆర్ఎస్ నేతలను రెచ్చిపోమని కేటీఆరే ప్రోత్సహిస్తున్నాడు అని ఆయన మండిపడ్డారు. రామమందిరం కోసం అన్ని వర్గాల ప్రజలు స్వచ్ఛందంగా నిధులు ఇస్తున్నారు అని అన్నారు. అయోధ్యా రాముడి నిధి సేకరణపై భద్రాద్రి గుడి వద్ద చర్చకు సిద్దమా కేటీఆర్ ? అని ఆయన ప్రశ్నించారు. రామదండు కదిలితే రాష్ట్రం ఖిస్కింద కాండ అవుతోంది.. బాధ్యత వహించటానికి సిద్ధంగా ఉండాలి అని ఆయన అన్నారు. గతంలో రాముడు కోసం రామ దండు ఏమి చేసిందో ఇప్పుడు అదే జరుగుతుంది! అని ఆయన పేర్కొన్నారు. 

రామ దండు కదిలితే ప్రగతి భవన్ , ఫాంహౌస్, మీ కాంట్రాక్ట్ లు ఉంటాయా?. అని ఆయన ప్రశ్నించారు. మాట్లాడేటప్పుడు జాగ్రత్తగా మాట్లాడాలి అని ఆయన సూచించారు. పోలీస్ లు కాఖీ డ్రెస్ తీసి.. పింక్ డ్రెస్ వేసుకోవాలి అని ఎద్దేవా చేసారు. పరకాల, వరంగల్లో బీజేపీ వాళ్ళ ఇండ్లపై దాడులు జరుగుతుంటే పోలీస్ అధికారులు ఏం చేస్తున్నరు? అని ఆయన ప్రశ్నించారు. మంత్రి ఎర్రబెల్లి దయాకరరావును బీజేపీ కార్యకర్తలు ఉరికించి కొట్టే పరిస్థితి వస్తోంది అని ఆయన అన్నారు. రాముడుపై అనుచిత వ్యాఖ్యలకు నిరసనగా రేపు అన్ని మండల కేంద్రాల్లో ఆందోళనలు చేస్తాం అని ఆయన స్పష్టం చేసారు. టీఆర్ఎస్ నాయకులు క్షమాపణ చెప్పకుంటే భవిష్యత్ కార్యాచరణ ప్రకటిస్తాంఅన్నారు.