అంటే ప్రతిపక్ష నేతల బలమంతా కేవలం మీడియా మాత్రమే అని అర్ధమైపోతోంది. కానీ వైసీపీ బలం అలాకాదు. జిల్లా కేంద్రం నుండి పంచాయితీల వరకు వాళ్ళదే హవా. మరి ఈ నేపధ్యంలో చంద్రబాబు అయినా నిమ్మగడ్డ అయినా చేయగలిగేది ఏమీ లేదనే చెప్పాలి. ఏదో రూపంలో గ్రామస్ధాయిలో అధికారపార్టీ నేతలు తమ మాటే చెల్లుబాటయ్యేట్లు చేసుకుంటారు. కాబట్టి మెజారిటి పంచాయితీల్లో ఏకగ్రీవాలు అయ్యేందుకే అవకాశాలున్నాయి. చంద్రబాబు హైదరాబాద్ లోని తనింట్లో కూర్చుని వైసీపీ అరాచకాలపై పోరాటాలు చేయండంటే వీపులు పగల గొట్టించుకునేందుకు ఎవరు సిద్దంగాలేరు. ఇదే సమయంలో నిమ్మగడ్డ కూడా శుక్ర, శనివారాలు అనంతపురం, కర్నూలు, కడప జిల్లాల్లో పర్యటిస్తున్నారు. ఏకగ్రీవాలు కాకుండా ఎన్నికలు జరిపేట్లుగా అధికారులకు కమీషనర్ ఆదేశాలు ఇస్తున్నారు. అయితే నిమ్మగడ్డ ఆదేశాలను పట్టించుకునే వారెంతమంది ? మరి ఎత్తుకు పై ఎత్తు గేమ్ లో చివరకు ఎవరిది పై చేయవుతుందో చూడాల్సిందే.