వైద్య ఆరోగ్య శాఖ విషయంలో విద్య విషయంలో ముఖ్యమంత్రి జగన్ ఎన్నో సంక్షేమ కార్యక్రమాలను అమలు చేస్తున్నామని పదేపదే చెబుతున్న సరే ఇప్పుడు రోడ్ల నిర్మాణం సరిగా లేకపోవడంతో ప్రభుత్వ వాహనాలు కూడా ఇబ్బందులు పడే పరిస్థితులు ఉన్నాయి అనే మాట వాస్తవం. 108 సర్వీస్ ని ఎంతో ఘనంగా ప్రారంభించిన ముఖ్యమంత్రి జగన్ కనీసం రోడ్ల గురించి పట్టించుకుని ఉంటే బాగుంటుంది అనే భావన చాలా మంది వ్యక్తం చేస్తున్నారు. 

అంబులెన్సులు వేగంగా పని చేయాలి అంటే కచ్చితంగా రోడ్ల నిర్మాణం అనేది జరగాలి కానీ ఆంధ్రప్రదేశ్లో మాత్రం ఒక కిలోమీటర్ రోడ్డు కూడా సరిగా లేదు అని చెప్పవచ్చు. దీని కారణంగా 108 అంబులెన్స్లు సరిగా సేవలు అందించలేక పోతున్నాయి అనే భావన చాలా మంది వ్యక్తం చేస్తున్నారు. ఇక ముఖ్యమంత్రి సొంత జిల్లాలో కూడా దాదాపుగా రోడ్ల పరిస్థితి ఇలాగే ఉంది. గతంలో ప్రభుత్వం నిర్మాణాలు చేపట్టిన రోడ్లను కూడా ఇప్పటి ప్రభుత్వం ముందుకు తీసుకొని వెళ్ళ లేకపోవడంతో ప్రజల్లో అసహనం పెరిగిపోతోంది. ఉభయగోదావరి ఉత్తరాంధ్ర జిల్లాల్లో అయితే పరిస్థితి చాలా దారుణంగా ఉంది. చాలా గ్రామాల్లో ఇప్పుడు రోడ్డు సౌకర్యం లేక అభివృద్ధికి దూరంగా ఉంటున్నాయి. దేశంలో ఎక్కడా లేనివిధంగా పెట్రోల్ ధరలు పెంచిన ముఖ్యమంత్రి జగన్ ఇప్పుడు రోడ్ల నిర్మాణాలు మీద దృష్టి పెట్టకపోతే మాత్రం ఇదే కచ్చితంగా ఓటమికి కారణమైన పెద్దగా ఆశ్చర్యం లేదని అంటున్నారు.