హెరాల్డ్ ఎడిటోరియల్ : మొత్తానికి పవన్ నిజస్వరూపం బయటపడిందా ?

సరే ఇక ప్రస్తుత విషయానికి వస్తే కాపు సంక్షేమ సంఘం ప్రతినిధులతో సమావేశమయ్యారు. ఇది ఫక్తు కాపుల సమావేశం తప్ప మరోటికాదు. కాపుల అభివృద్ధికి, కాపులకు రాజ్యాధికారం అని, రాజకీయాలను కాపులు శాసించేస్ధాయికి చేరుకోవాలని పనవ్ చెప్పిన మాటలు దేన్ని సూచిస్తున్నాయో జనాలు అర్ధం చేసుకోలేనంత అమాయకులు కారు. సమావేశాన్ని నిర్వహించింది కాపు నేత. సమావేశంలో పాల్గొన్నదంతా కాపులే. సమావేశంలో వాళ్ళకు దిశానిర్దేశం చేసిందీ కూడా కాపునేతే. మరి ఇది కాపుల సమావేశం కాకుండా మరేమవుతుంది. ఒకటిమాత్రం నిజం కాపులంతా కలిసి తమను ఉద్దరించే బాధ్యతను పవన్ మీదుంచారు.

పార్టీలో పవన్ ఆత్మగా ప్రచారంలో ఉన్న మరో అగ్రనేత నాదెండ్ల మనోహర్ మాత్రం కాపుల సమావేశంలో ఎక్కడా అడ్రస్ ఎందుకులేరు ? అసలు చాలా సమావేశాలు పవన్ లేకుండా నాదెండ్లే నిర్వహించేస్తున్నారు. పోనీ నాదెండ్లకన్నా ముందునుండే పవన్ తో సన్నిహితంగా ఉన్న పార్టీలోని బీసీ నేతలంతా ఏమయ్యారు ? అంటే కాపులతో సమావేశం కాబట్టే వాళ్ళందరినీ దూరంగా ఉంచేశారన్నది స్పష్టం. మరి ఇంతోటి దానికి తాను కాపును కానని, తనను కాపులకు మాత్రమే పరిమితం చేయద్దనే ప్రకటనలు ఎందుకు ? సమాజంలో కాపుల జనాభా 27 శాతం అని పవనే చెప్పారు. కాబట్టి ముసుగు తీసేసి నేరుగానే కాపుల ఉద్ధరణకు నడుం బిగించచ్చు కదా ఇంకా నాటకాలెందుకు ? పవన్ను నమ్మే జనాలు నమ్ముతారు లేని వాళ్ళు లేదంతే.