నిజంగా ఫార్టీ ఇయర్స్ ఇండస్ట్రీ చంద్రబాబునాయుడు మనస్తత్వం చాలా విచిత్రంగా ఉంటుంది. అదేదో సినిమాలో బాస్ తన అనుచరులకు కనబడకుండా ఎక్కడ నుండో ఆదేశాలు ఇస్తున్నట్లుగా ఉంటోంది చంద్రబాబు వ్యవహారం కూడా. ఆదివారం నేతలతో టెలి కాన్ఫరెన్సులో మాట్లాడారు. ఈ కాన్ఫరెన్సుకు 175 నియోజకవర్గాల నుండి ప్రజాప్రతినిధులు, ఇన్చార్జీలు, నేతలు అందరూ పాల్గొన్నారు. ఈ సందర్భంగా చంద్రబాబు మాట్లాడుతూ వైసీపీ నేతలు ఎటువంటి ప్రలోబాలకు దిగినా, ఎంతటి బెదిరింపులకు పాల్పడినా ధైర్యంగా ఎదుర్కోవాలని పిలుపిచ్చారు. బైండోవర్ కేసులు పెట్టినా ఏమాత్రం లెక్క చేయద్దన్నారు. ఇపుడు గనుక అధికారపార్టీ నేతల ఒత్తిళ్ళకు లొంగిపోతే గ్రామాలన్నీ వల్లకాడులాగ మారిపోతుందంటూ తీవ్రంగా హెచ్చరించారు.

ఏం నామినేషన్లు దాఖలు చేసే గ్రామాల్లో ఎక్కడోచోట చంద్రబాబు, కొడుకు లోకేష్ ఎందుకు హాజరవ్వటం లేదు ? తండ్రి, కొడుకులు గ్రామాల్లో నేతలతో పాటు తిరిగితే మిగిలిన గ్రామాల్లోని నేతలకు నైతిక మద్దతు ఇచ్చినట్లవుతుంది కదా. తనింట్లో హ్యాపీగా కూర్చుని మిగిలిన నేతలను మాత్రం కేసులు పెట్టించుకోండి, వైసీపీ నేతలను ధైర్యంగా ఎదుర్కోండి అంటే నేతలకు ఏమైనా పిచ్చా ? ఇఫుడు కేసులు పెట్టించుకుంటే జైళ్ళకు లేదా పోలీసుస్టేషన్లకు ఎవరు తిరుగుతారు ? ఒకసారి కుటుంబ పెద్ద జైలుకు పోతే ఆ కుటుంబానికి దిక్కెవరు ? ఇవన్నీ ఆలోచించుకునే చంద్రబాబు హైదరాబాద్ లో  కూర్చుని ఎన్ని కతలు చెబుతున్నా క్షేత్రస్ధాయిలో నేతలు మాత్రం తాము చేయగలిగింది మాత్రమే చేస్తున్నారంతే.