అయితే ఈ విషయం మీద నిమ్మగడ్డ టిడిపికి షాక్ ఇచ్చారని నిన్నటి నుంచి వార్తలు వస్తున్నాయి. మొదటి నుంచి నిమ్మగడ్డ రూల్స్ ప్రకారం వెళుతున్నారు కానీ చంద్రబాబుకి లేదా టీడీపీకి అనుకూలంగా వ్యవహరిస్తున్నారని చెప్పే ప్రూఫ్ ఒక్కటీ లేదు. ప్రభుత్వం అలా భావించి విమర్శలు చేస్తోంది తప్ప ఆయన ఎక్కడా ఒక పార్టీకి గానీ ఒక వ్యక్తికి గానీ అనుకూలంగా వ్యవహరిస్తున్నారని చెప్పలేము. టీడీపీకి ఎలాంటి నోటీసులు ఇవ్వకపోవచ్చు అని వైసీపీ భావించి ఉండొచ్చు. కానీ నిమ్మగడ్డ టిడిపికి నోటీసులు ఇచ్చి ఫిబ్రవరి 2వ తారీఖు లోపు ఈ మ్యానిఫెస్టో అంశం మీద వివరణ ఇవ్వకపోతే ఎన్నికల కోడ్ ఉల్లంఘన కింద తీసుకోవాల్సి వస్తుందని హెచ్చరించారు. 

అంటే మొత్తంగా చూస్తే అధికార వైసీపీ నిమ్మగడ్డను టార్గెట్ చేయడానికి పెద్దగా ఇంకా ఎలాంటి ఆప్షన్స్ మిగిలి ఏమీ లేవు. అందుకే మరీ వింతగా మంత్రులు ఆయన మీద శాసనసభ స్పీకర్ కు ఫిర్యాదు చేశారు అని కొంతమంది విశ్లేషకులు అభిప్రాయపడుతున్నారు. ఏదేమైనా నిమ్మగడ్డను టార్గెట్ చేయడానికి కులం అనే పాయింట్, అలానే ఎలాగోలా చంద్రబాబు మనిషి అని ముద్ర వేయాలనే తాపత్రయం తప్ప లీగల్ గా వైసీపీకి ఏమీ దొరకటం లేదనేది విశ్లేషకుల వాదన. చూడాలి ఈ ఎన్నికలు అయ్యేవరకు నిమ్మగడ్డ వర్సెస్ అధికార పార్టీ ట్విస్ట్ లు ఏ మేరకు తిరుగుతాయి అనేది.