కేంద్రానికి చెందిన మినిస్ట్రీ ఆఫ్ ఇన్ఫర్మేషన్ అండ్ బ్రాడ్కాస్టింగ్ ఈ మేరకు ఉత్తర్వులు జారీ చేసింది. అలాగే థియేటర్లు ఫాలో కావలసిన స్టాండర్డ్ ఆపరేషన్ ప్రోటోకాల్స్ ని కూడా కేంద్ర ప్రభుత్వం రిలీజ్ చేసింది. వాటి ప్రకారం సినిమా ధియేటర్ లోని వెయిటింగ్ హాల్స్, అలానే ఇతర ప్రాంగణంలో మనిషికి మనిషికి ఆరడుగుల దూరం ఉండేలాగా చూడాలని ఉత్తర్వులలో పేర్కొన్నారు.  అంతేకాక సినిమా చూస్తున్నప్పుడు అలాగే థియేటర్ లో ఉన్నంత సేపు ముఖానికి మాస్కు ధరించే ఉండేలా చూడాలని ఉత్తర్వుల్లో పేర్కొన్నారు.

 అలాగే వచ్చే ప్రేక్షకుల కోసం హ్యాండ్ శానిటైజర్ లు పూర్తి స్థాయిలో అందుబాటులో ఉంచాలని పేర్కొన్నారు. అంతే కాక థియేటర్ ఆవరణలో ఉమ్మివేయడం పూర్తిగా నిషేధించారు. అంతేకాక వచ్చే అందరి దగ్గర ఆరోగ్య సేతు యాప్ ఉండేలా చూసుకోవాలని పేర్కొన్నారు. ఇక ధర్మల్ స్క్రీనింగ్ ప్రతి ఒక్కరికి తప్పని సారిగా చేయనున్నారు. కరోనా లక్షణాలు లేని వారికి మాత్రమే థియేటర్ లోనికి అనుమతించాలని పేర్కొన్నారు. ఒకవేళ క్యూ పద్ధతి పాటించాల్సి ఉంటే అక్కడ ఫిజికల్ డిస్టెన్స్ ఉండేలాగా మార్క్ వేయాలని సూచించారు. సినిమా పూర్తయ్యాక ఒక దారి నుంచి కాక రెండు మూడు దారుల నుంచి జనాన్ని బయటకు పంపే ఏర్పాట్లు చేయాలని సూచించారు. మల్టీప్లెక్స్ విషయంలో ఒకే సారి రెండు మూడు థియేటర్లకు సంబంధించిన జనం మూగకుండా వేరువేరు సమయాల్లో ఇంటర్వెల్స్ ఇవ్వాలని సూచించారు.