నవీన సాంకేతిక పరిజ్ఞానాన్ని సామాన్యులందరికీ అందుబాటులోకి తేవడం ద్వారా వారి సమస్యల పరిష్కారంలోనూ, సమాజం ఎదుర్కొంటున్న సవాళ్ల పరిష్కారంలోనూ తెలంగాణ ఎప్పుడు ముందు ఉంటుందని ఆయన అన్నారు..సామాన్యుడే కేంద్రంగా పరిజ్ఞానం అందుబాటులోకి తేవాలనేది మా ముఖ్యమంత్రి కేసీఆర్‌ సంకల్పం. దీనికి అనుగుణంగా తెలంగాణ ముందడుగు వేసింది. రాష్ట్రంలో వ్యవసాయం, ఆరోగ్య పరిరక్షణ, విద్య తదితర రంగాల్లో వినూత్న ఆవిష్కరణలతో పాటు డ్రోన్ల వినియోగం ద్వారా మారుమూల ప్రాంతాలకు ఔషధాల చేరవేత వంటి ప్రాజెక్టులను ప్రభుత్వం అమలు చేస్తోంది. 

ఇప్పుడు ఫైబర్‌గ్రిడ్‌తోనూ అద్భుతాలను ఆవిష్కరిస్తాం..ఈ సేవలను ఉపయోగించుకొని వివిధ రంగాల్లో యువత రాణించాలని కేటీఆర్ తెలిపారు. ఇటీవల కరోనా లాంటి విపత్కర పరిస్థితులను ఎదుర్కోవడానికి ఇంటర్నెట్ సేవలు చక్కగా ఉపయోగపడ్డాయి.భవిష్యత్తులో రానున్న సంక్షోభాలను ఎదుర్కొనేందుకు సాంకేతికత ఆధారిత పరిష్కారాలను సిద్దం చేసుకోవాలని మంత్రి కేటీఆర్ పిలుపు నిచ్చారు.స్విట్జర్లాండ్‌ రాజధాని దావోస్‌లో ప్రపంచ ఆర్థిక వేదిక శుక్రవారం నిర్వహించిన దృశ్యమాధ్యమ సదస్సులో హైదరాబాద్‌లోని ప్రగతిభవన్‌ నుంచి కేటీఆర్‌ పాల్గొన్నారు. 'భారత్‌లో నూతన సాంకేతికతకు ప్రోత్సాహం' , సికోయ క్యాపిటల్‌ సంస్థ ఎండీ రాజన్‌ ఆనందన్‌, బేర్‌ఫుట్‌ కాలేజీ సంచాలకుడు మేఘన్‌ పల్లోన్‌, యూపీఎల్‌ లిమిటెడ్‌ సీఈవో జైష్రాఫ్‌ పాల్గొన్నారు.