యూజర్లు సైబర్ నేరగాళ్లకు చిక్కి బాధితులు అవుతున్నారు.కెవైసి అప్ డేట్ చేసుకోకపోతే.. మీ మొబైల్ సర్వీసు నిలిచిపోతుందని మెసేజ్ లు వస్తున్నాయి.ఎయిర్ టెల్ వినియోగదారులు అప్ డేట్ చేసుకోవాలని లింక్ క్లిక్ చేసి మోసపోతున్నారు. ఎయిర్ టెల్ యూజర్లను

 కేవైసీ విషయంలో హెచ్చరించిన ఫొటోను హైదరాబాద్ సిటీ పోలీసులు ట్వీట్ చేశారు. ఎయిర్ టెల్ కెవైసి పేరుతో సైబర్ నేరగాళ్లు మోసాలకు పాల్పడుతున్నారని, యూజర్లు అప్రమత్తంగా ఉండాలని సూచించారు. ఆన్ లైన్, ఫోన్ కాల్ చేసి కేవైసీ అప్ డేట్ చేసుకోవాలంటూ ఏవైనా మెసేజ్ లు వచ్చినా, ఫోన్లు వచ్చినా కూడా అస్సలు నమ్మవద్దని పోలీసులు హెచ్చరిస్తున్నారు. 

ఒక లింక్ పంపి దానిపై క్లిక్ చేసి కేవైసీ అప్ డేట్ చేసుకోవాలని సూచిస్తున్నారు. ఆ లింక్ ఓపెన్ చేయగానే సరాసరి బ్యాంకు, క్రెడిట్ కార్డు, డెబిట్ కార్డు వివరాలు ఎంటర్ చేయాల్సిందిగా అడుగుతారు. ముందుగా రూ. 10 చెల్లిస్తే మొబైల్ సేవలు కొనసాగుతాయని నమ్మబలుకుతారు. ఆ విషయం నిజమేనని నమ్మిన చాలా మంది అకౌంట్ లోంచి డబ్బులు పోగొట్టుకుంటారు. బోలెడు డబ్బులు పోగొట్టుకోవడం తో పాటుగా పర్సనల్ విషయాలను కూడా ట్రాప్ చేస్తూ ప్రలోభాలకు గురి చేస్తున్నారు. అలాంటి వాటిని ఎప్పటికీ నమ్మకండి.. పదే పదే అదే మెసేజ్ లు వస్తే పోలీసులకు సమాచారం అందించాలని కోరారు..