అయితే తాజాగా అందుతున్న సమాచారం మేరకు ఈ సినిమాలో వెంకటేష్ కోసం ఒక తండ్రి పాత్రను కూడా అనిల్ రావిపూడి సృష్టించారని తెలుస్తోంది. ఆ తండ్రి పాత్ర కూడా ఈ మధ్య కాలంలో పాపులర్ ఆర్టిస్ట్ అయిపోయిన గోపరాజు రమణ చేత చేయించనున్నారని అంటున్నారు. ఈయన మరెవరో కాదు మిడిల్ క్లాస్ మెలోడీస్ అనే సినిమాలో ఆనంద్ దేవరకొండ తండ్రి కొండలరావు పాత్రలో నటించి తెలుగు ఆడియన్స్ కు బాగా దగ్గరయ్యాడు. ఈయన స్వతహాగా నాటక రంగానికి చెందిన నటుడు కావడంతో కొండలరావు పాత్రను అవలీలగా చేసేసాడు. 

ఆయన టైమింగ్, ఆయన తిట్లు జనానికి విపరీతంగా నచ్చాయి. అలా ఒక్క సినిమాతోనే ఆయన పాపులర్ అయి పోయాడు. ఇప్పుడు ఆయననే అనిల్ రావిపూడి ఎఫ్ త్రీ సినిమాలో వెంకటేష్ కి తండ్రి పాత్రలో నటింపజేయాలని చూస్తున్నాడట. నిజానికి ఈ ఎఫ్ 2 సినిమా లో వెంకటేష్ అనాధ అనే విధంగా చూపిస్తారు. మరి ఇప్పుడు అలాంటి వెంకటేష్ కి తండ్రి పాత్రను ఎలా సృష్టించారు అనేది తెరమీద చూడాల్సిన ఉంది. ముందు ఈ సినిమాలో ఒక స్టార్ హీరో నటిస్తాడని ప్రచారం జరిగినా చివరికి అది నిజం కాదని తేల్చేశారు.