చంద్రబాబు విడుదల చేసిన మ్యానిఫెస్టోలో సురక్షితమైన మంచినీటిని అన్నీ పంచాయితీలకు అందిస్తారట. దారిద్ర్యరేఖకు దిగువన ఉన్న కుటుంబాలకు ఉచితంగా కుళాయిలు ఏర్పాటు చేస్తారట. పంచాయితీలను నేరరహిత గ్రామాలుగా తీర్చిదిద్దుతారట. ప్రార్ధనా మందిరాలు, దేవాలయాలు, పవిత్ర ప్రాంతాల్లో సీసీ కెమెరాలు ఏర్పాటు చేస్తారట. బాలికల విద్యను ప్రోత్సహిస్తారట. గ్రామాల్లోని ప్రతి వీధికి ఎల్ఇడి బల్బులు ఏర్పాటు చేస్తారట. పట్టాభూములు, అసైన్డ్ భూముల కబ్జాకు వీల్లేకుండా చేస్తారట. సరే ఇవన్నీ పంచాయితి ఎన్నికల్లో గెలవగానే చేసేస్తారట చంద్రబాబు. జనాలను పిచ్చోళ్ళని అనుకుంటున్నాడో ఏమిటో అర్ధం కావటం లేదు. పంచాయితి ఎన్నికల్లో గెలిస్తేనే ఇవన్నీ చేస్తానని హామీలిచ్చిన చంద్రబాబుకు అసలు ఇవన్నీ సాధ్యమేనా ? పంచాయితి ఎన్నికల్లో గెలిస్తే ఏమవుతుంది ? చంద్రబాబు చేయాలని అనుకున్నవాటికి ఆమోదం చెప్పాల్సింది రాష్ట్రప్రభుత్వమే కదా. ఎందుకంటే మ్యానిఫెస్టోలో చెప్పినవన్నీ విధానపరమైన నిర్ణయాలే.