బెదిరించి చేస్తే ప్రజలు ఊరుకోరు.. తగిన బుద్ది చెప్తారు అంటూ వారు అన్నారు. ఇలా బెదిరించడం చూస్తుంటే రేపు నామినేషన్లు వెయ్యనివ్వకుండా చేస్తారని అర్థమవుతుంది అంటూ వ్యాఖ్యానించారు.29న నామినేషన్లు మొదలయ్యేరోజు ప్రభుత్వం అసలు రంగు బయటకి వస్తుందంటూ ఆగ్రహం వ్యక్తం చేశారు. ఏకగ్రీవాలకోసం యంత్రాంగం ద్వారా ఒత్తిడి తెచ్చే ప్రయత్నం జరుగుతోందని అనుమానం వ్యక్తం చేశారు. ఇలాంటి కుట్రలను అడ్డుకోవడానికి ఆన్‌లైన్‌ ద్వారా నామినేషన్ల స్వీకారానికి ఎస్‌ఈసీ అవకాశం కల్పించాలని కోరారు.

ఇకపోతే జగన్ అన్నీ ముక్కు సూటిగా చేస్తారు. ముఖ్యంగా చెప్పాలంటే తను చెప్పిందే జరగాలని అనుకుంటారు అని ఆరోపించారు. అంతేకాదు రాజ్యాంగాన్ని ఏ మాత్రం గౌరవించడానికి ఇష్టపడని ఏకైక ముఖ్యమంత్రి దేశంలో జగన్ ఒక్కరే అంటూ ఎద్దేవా చేశారు..అన్ని పంచాయతీల్లోనూ బీజేపీ,జన సేన ఉమ్మడి అభ్యర్థులు రంగంలో ఉంటారని స్పష్టం చేశారు. తిరుపతి ఎన్నికల విషయంలో బీజేపీ-జనసేన మధ్య ఎలాంటి బేధాలు లేవని తేల్చిచెప్పారు.. అనంతరం ఇరు పార్టీల ముఖ్యనేతలతో వీర్రాజు, మనోహర్‌ సమావేశమై పంచాయతీ ఎన్నికల్లో వ్యూహంపై చర్చించారు.ఈరోజు బీజేపీ, జనసేన నేతలు గురువారం గవర్నర్‌ను కలవనున్నారు..