2019 ఎన్నికల సమయంలో ఏమి జరిగిందో కాస్త గుర్తు చేసుకుందాం. వైసీపీ ఫిర్యాదు ఆధారంగా అప్పటి ఇంటెలిజెన్స్ చీఫ్ ఏబి వెంకటేశ్వరరావును ఎన్నికల సంఘం బదిలీ చేసింది. దాంతో చంద్రబాబు కమీషన్ను నోటికొచ్చినట్లు మాట్లాడారు. అప్పటి చీఫ్ సెక్రటరీ పునేతతో కేంద్ర ఎన్నికల కమీషనర్ కు పెద్ద లెటర్ రాయించారు. అంతే కాకుండా కోర్టులో కేసు కూడా వేయించారు.  దాంతో ఒళ్ళుమండిన కమీషన్ పునేతను ఢిల్లీకి పిలిపించుకుని గట్టిగా తలంటిపోసింది. దాంతో వేరే దారిలేక హైదరాబాద్ కు తిరిగొచ్చిన పునేత వెంటనే ఏబీని బదిలీ చేశారు. తన ఆదేశాలను ధిక్కరించినందుకు కమీషన్ పునేతాను కూడా హఠాత్తుగా బదిలీచేసేసింది. పునేత స్ధానంలో ఎల్వీ సుబ్రమణ్యంను చీఫ్ సెక్రటరీగా నియమించింది. దాన్ని తట్టుకోలేని చంద్రబాబు అండ్ కో కమీషన్ను, వైసీపీ నేతలను నోటికొచ్చినట్లు మాట్లాడిన విషయం అందరికీ తెలిసిందే.