ఎందుకంటే ప్రభుత్వం ఫిబ్రవరి ఫస్ట్ నుంచి రేషన్ సరుకులు డోర్ డెలివరీ చేయాలని నిర్ణయించింది. అందుకు గాను ఇప్పటికే దాదాపుగా అన్ని సన్నాహాలు పూర్తి చేసింది కూడా. ఇప్పటికే రేషన్ సరుకులను డోర్ డెలివరీ చేసే వాహనాలను ఆయా జిల్లాలకు అలాగే జిల్లాల నుంచి మండల కేంద్రాలకు కూడా పంపిణీ చేశారు. ఇప్పుడు ఎన్నికల కోడ్ గ్రామాల్లో అమలులోకి రావడంతో ఈ అంశం మీద రాష్ట్ర ఎన్నికల కమిషన్ ప్రభుత్వాన్ని వివరణ కోరింది. అయితే ఇది కొత్త పధకం కాదు అని పౌరసరఫరాల శాఖ వివరణ ఇవ్వడానికి సిద్ధమైందనే వాదన వినిపిస్తోంది.  ఎందుకంటే ఈ పథకాన్ని 2019 సెప్టెంబర్ లోనే జగన్ శ్రీకాకుళం జిల్లాలో పైలెట్ ప్రాజెక్టుగా ప్రారంభించారు. ఆనాటి నుండి శ్రీకాకుళం జిల్లాలో డోర్ డెలివరీ విధానం కొనసాగుతూ వస్తోంది. 

ఈ విషయాన్ని చెప్పి ఒకటో తేదీ నుంచి రేషన్ డోర్ డెలివరీ చేస్తామని చెప్పే అవకాశం కనిపిస్తోంది. అయితే నిమ్మగడ్డ అందుకు అనుమతించే అవకాశం అయితే లేదు. ఎందుకంటే రేషన్ సరుకులు ఉన్నా డోర్ డెలివరీ చేసే వాహనాల మీద పెద్ద ఎత్తున జగన్ బొమ్మలు అలాగే వైసీపీకి చెందిన రంగులు కనిపిస్తున్నాయి. సాధారణంగా ఎన్నికల కోడ్ అమల్లోకి వస్తే ఎప్పుడో చనిపోయిన నాయకుల విగ్రహాలకి కూడా తొడుగులు వేసే ఎన్నికల సంఘాలు లైవ్ లో ఉన్న జగన్ మోహన్ రెడ్డి ఫోటో అలాగే పార్టీ రంగులు ఉన్న వాహనాలతో రేషన్ సరుకుల డోర్ డెలివరీ చేస్తామంటే ఒప్పుకునే పరిస్థితి అయితే కనిపించడం లేదు. ఇక ఇప్పుడు నిమ్మగడ్డ ఏంచేస్తారు అనే అంశం మాత్రం ఆసక్తికరంగా మారింది అని చెప్పక తప్పదు.