వివరాల్లోకి వెళితే .. ఈ అమానుష ఘటన రాజస్తాన్‌లోని దౌసా జిల్లాలో చోటుచేసుకుంది. వివరాలు.. విష్ణు గుర్జార్ అనే వ్యక్తి దాబా నడుపుతూ జీవనం సాగిస్తున్నాడు. దాబా సమీపంలోనే ఓ మహిళ పై అతడు అత్యాచారానికి పాల్పడ్డాడు. సంవత్సర కాలంగా మహిళను బెదిరించి అత్యాచారానికి పాల్పడుతూ వస్తున్నాడు. ఈ క్రమంలోనే మహిళతో పాటు నివాసం ఉంటున్న ఆమె ఇద్దరు చెల్లెలతో పాటుగా మైనర్ కూతురుపై కన్నేశాడు. వారికి మాయమాటలు చెప్పి అత్యాచారానికి పాల్పడినట్లు ఆరోపణలు ఉన్నాయి. 

కొన్ని రోజులకు తన ఇద్దరు చెల్లలను, కూతురిని విష్ణు ట్రాప్ చేశాడని బాధిత మహిళ తెలుసుకుంది. దీంతో పోలీసులను ఆశ్రయించి విష్ణు పై ఫిర్యాదు చేసింది. బాధిత మహిళ విష్ణుపై ఫిర్యాదు చేసిన తర్వాత.. అదే కుటుంబానికి చెందిన ఇతర మహిళలు కూడా ముందుకు వచ్చి అతనిపై పోలీసులకు ఫిర్యాదు చేశారు.తొలత విష్ణుపై బాధిత మహిళ జనవరి 21న పోలీసులకు ఫిర్యాదు చేసింది. అదే రోజు ఆమె సోదరి కూడా విష్ణుపై కేసు పెట్టింది. ఈ విషయం తెలిసిన ఇతర కుటుంబ సభ్యులు పోలీసులును ఆశ్రయించారు. ఇలా విష్ణు తమపై అత్యాచారానికి పాల్పడినట్టు ఒకే కుటుంబానికి చెందిన మైనర్‌తో సహా నలుగురు మహిళలు పోలీసులకు ఫిర్యాదు చేశారు. భాదితుల ఫిర్యాదు మేరకు పోలీసులు కేసు నమోదు చేసి విచారణ చేపట్టారు.