గతంలో రాష్ట్ర ఎన్నికల సంఘం ఇచ్చిన ఆదేశాల మేరకు ఈ ఇద్దరి మీద బదిలీ వేటు వేస్తున్నామని ఏపీ ప్రభుత్వం నిన్న రాత్రి మీడియాకు లీకులు ఇచ్చింది. అయితే వాస్తవానికి నిమ్మగడ్డ రమేష్ కుమార్ బదిలీ చేయమని కోరింది వీరిని కాదు. ఆయన చిత్తూరు, గుంటూరు కలెక్టర్లు అలాగే మరికొంత మంది పోలీసు అధికారుల లిస్ట్ ఇచ్చి వీరిని ఎన్నికల విధులకు దూరంగా ఉంచమని ప్రభుత్వాన్ని కోరారు. కానీ వారి విషయంలో ఎలాంటి చర్యలు తీసుకోకుండా అసలు నిమ్మగడ్డ పంపని పేర్లను బదిలీ చేస్తున్నామని ప్రకటించడంలో ఏపీ ప్రభుత్వం కొత్త గేమ్ కి తెరలేపింది అనే విశ్లేషణలు వినిపిస్తున్నాయి. 

అయితే ఎన్నికల కోడ్ అమలులో ఉంది కాబట్టి ప్రస్తుతానికి ఇలాంటి బదిలీలు చేయటం అనేది సరికాదని అంటున్నారు. ఎన్నికల సంఘం కోరితే చేయవచ్చు కానీ ఎన్నికల సంఘం పేరు చెప్పుకుని ప్రభుత్వమే ఇలా బదిలీలు చేస్తే ఎన్నికల సంఘం ఖచ్చితంగా అడ్డుపడుతుంది. ఈ మేరకు నిమ్మగడ్డ ట్విస్ట్ ఇచ్చారని కూడా ఈ ఉదయం మీడియాలో పెద్దఎత్తున చర్చ జరిగింది. అసలు విషయం ఏమిటంటే తాను కోరని వారి పేర్లను బదిలీ చేస్తున్నామని ఎలా ప్రకటిస్తారని అంటూ నిమ్మగడ్డ ఏపీ సర్కార్ మీద ఫైర్ అయినట్లు చెబుతున్నారు. చూడాలి ఈ వ్యవహారం ఇంకెంత దూరం వెళుతుందో.