ലോറി തടഞ്ഞ സംഭവം; കോൺഗ്രസ് പ്രവർത്തകരെ അറസ്റ്റ് ചെയ്തു

തൃക്കുന്നപ്പുഴ: വലിയഴീക്കലിൽ നിന്ന് ഐആർഇക്ക് വേണ്ടി കരിമണൽ കയറ്റി വന്ന ലോറി തടഞ്ഞ കോൺഗ്രസ് പ്രവർത്തകരെ അറസ്റ്റ് ചെയ്തു .ത‍ക്കുന്നപ്പുഴ – വലിയഴീക്കൽ റോഡിൽ കുറിയപ്പശേരി ക്ഷേത്രത്തിനു സമീപം ഇന്നലെ മൂന്നരയോടെയായിരുന്നു സംഭവം. കോൺഗ്രസ് പ്രവർത്തകർ ഇന്നലെ തടഞ്ഞ കരിമണൽ നിറച്ച ലോറി തൃക്കുന്നപ്പുഴ പൊലീസ് സ്റ്റേഷനിലേക്ക് മാറ്റി.

9 കോൺഗ്രസ് പ്രവർത്തകരെയാണ് തൃക്കുന്നപ്പുഴ പൊലീസ് അറസ്റ്റ് ചെയ്തത്.
കരിമണൽ കടത്തിക്കൊണ്ടു പോകുന്നതിനായി ഐആർഇ വലിയഴീക്കലിൽ എത്തിച്ചിട്ടുള്ള 6 ലോറികൾ മണൽ കയറ്റാതെ തിരിച്ചയയ്ക്കണമെന്നു സമരം നടത്തിയവർ പൊലീസിനോട് ആവശ്യപ്പെട്ടു. ആറാട്ടുപുഴയുടെ തീരസംരക്ഷണത്തിന് ഉപയോഗിക്കണമെന്നാണു സമരം നടത്തുന്നവർ ഉന്നയിക്കുന്നത്.