നിയന്ത്രണംതെറ്റി വന്ന പിക്കപ്പ് വാൻ തട്ടുകടകൾ ഇടിച്ചു തകർത്തു

പെരിന്തൽമണ്ണ : പിക്കപ്പ് വാൻ നിയന്ത്രണംതെറ്റി തട്ടുകടകളിലേക്ക് പാഞ്ഞുകയറി കടകൾ തകർത്തു. ഞായറാഴ്ച പുലർച്ചെ 4.10-ന് പെരിന്തൽമണ്ണ കെ.എസ്.ആർ.ടി.സി. ഡിപ്പോക്ക് സമീപമുള്ള രാംദാസ് ആശുപത്രിക്ക് മുന്നിലാണ് സംഭവം.

നിർത്തിയിട്ടിരുന്ന രണ്ടു ഓട്ടോറിക്ഷകളിലും ഇടിച്ച് വാഹനം മറിയുകയായിരുന്നു. ഓട്ടോറിക്ഷകൾക്ക് സാരമായ കേടുപാടുകൾ പറ്റി. ഒരു ഓട്ടോ ഡ്രൈവറുടെ കാലിനും പരിക്കേറ്റു. വാഹനം അതിവേഗത്തിലാണ് വന്നതെന്ന് നാട്ടുകാർ പറയുന്നു.