ఇప్పటికే సోహెల్‌, మోనాల్, అఖిల్, అభిజీత్, అరియానా, లాస్య వంటి వారు మంచి ఆఫర్స్ పొందారు.ఈ నేపథ్యంలో హాట్ బ్యూటీ హారిక రేంజ్ పూర్తిగా మారిపోయింది. తాజాగా దేత్తడి హారిక కూడా తనకు కళ్లు చెదిరే ఆఫర్స్ వస్తున్నట్టు పేర్కొంది. ప్రస్తుతం వెబ్ సిరీస్ చేస్తున్న నేను ఓ సినిమాకు కూడా కమిట్ అయ్యాను. అలానే దేత్తడి యూట్యూబ్‌లో ఓ వీడియో రిలీజ్ చేయబోతున్నట్టు స్పష్టం చేసింది.. మొదటి నుంచి యుట్యూబ్ లో మంచి డిమాండ్ ఉన్న హారిక కు బిగ్ బాస్ వల్ల మరిన్ని ఆఫర్స్ వచ్చి పడుతున్నాయి. వరుసగా నటిస్తున్నానని ఇటీవల ఓ ఇంటర్వ్యూలో హారిక చెప్పుకొచ్చింది. 

బిగ్ బాస్ వలన మెహబూబ్, దివి వంటి కంటెస్టెంట్స్ కూడా బిజీ అయ్యారు. సోహెల్ సినిమాలతో బిజీగా ఉంటూ టాలీవుడ్ టాప్ స్టార్స్ అందరిని కలుస్తూ హల్ చల్ చేస్తున్నాడు. ఇక మోనాల్ స్పెషల్ సాంగ్స్ చేస్తూ పలు టీవీ షోలను హోస్ట్ చేస్తుంది.అరియానాకు కూడా ఓ సినిమా ఆఫర్ దక్కింది. అఖిల్ కూడా విలన్ పాత్రకు సంబంధించిన ఆఫర్స్ దక్కించుకున్నట్టు సమాచారం. ఏదేమైన బిగ్ బాస్ వలన కొందరి కంటెస్టెంట్స్ జీవితానికి ఓ మార్గం ఏర్పడిందనే చెప్పాలి.. ఇకపోతే బిగ్ బాస్ లో ఉన్నప్పుడు అభిజిత్ ను పెళ్లి చేసుకోనున్నట్లు తెలిపిన హారిక ఇప్పుడు ఈ విషయం పై అసలు మాట్లాడలేదు..