విషయానికొస్తే.. ఆదిలాబాద్ పట్టణంలో ఓ వ్యభిచార ముఠా గుట్టు చప్పుడు కాకుండా కార్యకలాపాలు కొనసాగిస్తోంది. పక్కా సమాచారం మేరకు టాస్క్ ఫోర్స్ పోలీసులు దాడిచేసి 11మందిని అరెస్ట్ చేశారు. గురువారం టాస్క్‌ఫోర్స్‌ సీఐ ఇ.చంద్రమౌళి ఆధ్వర్యంలో వన్‌టౌన్‌ సీఐ రామకృష్ణతో కలిసి పట్టణంలో గుట్టుచప్పుడు కాకుండా సాగుతున్న వ్యభిచార గృహంపై సంయుక్తంగా దాడి చేశారు. ఈ దాడిలో నలుగులు యువతులను ఏడుగురు విటులను అదుపులోకి తీసుకున్నారు. కైలాస్‌నగర్‌ కాలనీకి చెందిన ఓ మహిళతో కలిసి ప్రధాన నిర్వాహకుడు జర్నలిస్టు కాలనీలోని ఓ ఇంటిని అద్దెకు తీసుకుని నిస్సహాయులైన మహిళలచే వ్యభిచారం చేయిస్తున్నట్లు వన్‌టౌన్‌ సీఐ ఎస్‌.రామకృష్ణ తెలిపారు.

ఈ విషయం పై గత కొద్దీ రోజులు గా నిఘా పెట్టిన టాస్క్‌ఫోర్స్‌ పోలీసులు మాటు వేసి పట్టణ పోలీసులతో కలిసి దాడి చేసినట్లు తెలుస్తుంది.వడ్డెర కాలనీకి చెందిన షేక్‌ ఆసిఫ్, శాంతినగర్‌కు చెందిన బరిగెళ్ల శ్రీకాంత్, మహారాష్ట్రలోని పిప్పల్‌కోటికి చెందిన పర్షా అక్షయ్, జైనథ్‌ మండలం పెండల్‌వాడకు చెందిన ఠాకూర్‌ దశరథ్, మహారాష్ట్రలోని పాఠన్‌బోరికి చెందిన గోదావరి నరేష్, భుక్తాపూర్‌కు చెందిన కాంబ్లే బాబా సాహెబ్, జైనథ్‌ మండలం పెడల్‌వాడకు చెందిన చుక్కలవార్‌ ఆకాశ్‌లను అరెస్ట్ చేశారు. వారి దగ్గర నుంచి ఒక ఆటో, ఒక బైక్ 12 సేల్ ఫోన్లు స్వాధీనం చేసుకున్నారు. అరెస్ట్ చేసిన 11 మందిని రిమాండ్ కు పంపించనున్నారు.