వివరాల్లోకి వెళితే.. కరోనా రాకుండా మందులు ఇస్తానని ఆశ చూపి ఓ ప్రబుద్ధురాలు మత్తు మందు ఇచ్చి వృద్ధురాలి నగలతో ఉడాయించింది. ఈ ఘటన తెలంగాణ  నిజామాబాద్‌ జిల్లా కేంద్రంలో ఆలస్యంగా వెలుగు చూసింది. పోలీసుల కథనం మేరు.. ఈ నెల 8వ తేదీన నగరంలోని కంఠేశ్వర్‌ ప్రాంతానికి చెందిన లక్ష్మి అనే వృద్ధురాలు కామారెడ్డి జిల్లా భిక్కనూరు లో బంధువులు చనిపోవడంతో వెళ్లేందుకు కామారెడ్డి బస్సు ఎక్కింది. ప్రయాణం లో లక్ష్మికి ఓ గుర్తు తెలియని మహిళ తో పరిచయం ఏర్పడింది. 

అక్కడ కొద్ది సేపు ఆగి టిఫిన్ చేసి బిక్కనూరు బస్సు ఎక్కారు. నిజామాబాద్‌కు ఇద్దరం కలిసి వెళ్దామని గుర్తుతెలియని మహిళ లక్ష్మికి చెప్పింది. సాయంత్రం 5 గంటలకు ఇద్దరు కలిసి ఆటో లో కామారెడ్డికి బయలు దేరారు. ఆ క్రమంలో ఆమె నా దగ్గర కరోనా కు మందులు ఉన్నాయి. ఇస్తానని నమ్మ పలికింది. మందులు వేసుకున్న లక్ష్మి స్పృహ కోల్పోయింది. దీంతో ఆమె దగ్గర ఉన్న నాలుగు తులాల బంగారు ఆభరణాలను ఎత్తుకెళ్లింది. స్పృహ లోకి వచ్చిన లక్ష్మి ఇంటికి చేరుకున్న తర్వాత కుటుంబ సభ్యులకు విషయం చెప్పడం తో మూడో టౌన్‌లో ఫిర్యాదు చేశారు. కేసు నమోదు చేసుకొని దర్యాప్తు చేస్తున్నట్లు తెలుస్తోంది.. ఇలాంటి వాళ్ళను నమ్మి మోసపోవద్దని పోలీసులు హెచ్చరిస్తున్నారు.