వివరాల్లోకి వెళితే.. ఈ దారుణ ఘటన ఉత్తరప్రదేశ్‌లోని ఘజియాబాద్‌లో జరిగింది. స్థానిక కవి నగర్‌కు చెందిన ఒక కుటుంబం తమ పాప కనిపించడంలేదంటూ గత ఏడాది అక్టోబర్‌ 19న పోలీస్‌ స్టేషన్‌లో ఫిర్యాదు చేసింది. బంధువులతో పాటు పాప తండ్రి స్నేహితుడు చందన్‌ పాండేపై అనుమానం వ్యక్తం చేసిన పోలీసులు వారిని ప్రశ్నించారు. తొలుత తనకేమీ తెలియదని అతడు బుకాయించాడు. మరునాడు స్థానిక పారిశ్రామిక ప్రాంతం లోని కాలువ వద్ద బాలిక మృత దేహం లభించింది.



పోస్ట్ మార్టం కోసం ఆసుపత్రికి తరలించారు. ఈ మేరకు చందన్ ను మరోసారి పోలీస్ స్టేషన్ కు పిలిచి విచారణ జరిపారు. చందన్‌ను పోలీసులు మరోసారి ప్రశ్నించగా పాపపై లైంగికదాడికి పాల్పడి హత్య చేసినట్లు ఒప్పుకున్నాడు. నిందితుడ్ని అరెస్ట్‌ చేసి పోస్కో చట్టం తో పాటు పలు సెక్షన్ల కింద కేసు నమోదు చేసి డిసెంబర్‌ 29న చార్జిషీట్‌ను ఫైల్‌ చేశారు. అనంతరం పోస్కో కోర్టు రికార్డు స్థాయిలో 29 రోజుల్లో కేసు విచారణ పూర్తి చేసింది. పది మంది సాక్షుల వాంగ్మూలాన్ని నమోదు చేసింది. న్యాయ మూర్తి మహేంద్ర శ్రీవాస్త బుధవారం తీర్పు వెల్లడించారు. నిందితుడు చందన్‌ పాండేకు మరణ శిక్ష విధించారు. ఈ విషయం స్థానికంగా కలకలం రేపుతోంది.