మంత్రుల నుంచి గ్రామ స్థాయి కార్యకర్తల వరకు అందరూ కేటీఆర్ సీఎం అవ్వాలి అనే నినాదాన్ని ఎత్తుకున్నారు. ఆయనకు అన్ని అర్హతలు ఉన్నాయని , ఒక దశలో కేసీఆర్ కంటే కేటీఆర్ అయితే పార్టీ మరింత ముందుకు వెళుతుందనే అభిప్రాయాన్ని వారు వ్యక్తం చేస్తున్నారు. సరిగ్గా కెసిఆర్ కూడా అదే వాతావరణం ఉండాలని కోరుకున్నారు. అసలు ఇప్పుడు కాదు ఎప్పుడో కేటీఆర్ ను సీఎం కుర్చీలో కూర్చోబెట్టి , తాను ఢిల్లీ రాజకీయాల్లో చక్రం తిప్పాలని కేసీఆర్ భావించినా, అందుకు అవసరమైన పరిస్థితులు లేవు. ప్రస్తుతం కేసీఆర్ ఢిల్లీ రాజకీయాలపై ఆసక్తి గా లేరు. 

పూర్తిగా తెలంగాణ రాజకీయాల పైన ఫోకస్ పెట్టాలని చూస్తున్నారు. ప్రధాన రాజకీయ శత్రువు గా బీజేపీ మారడం తో ఆ పార్టీని ఎదుర్కునేందుకు వ్యూహాలు రచించే పనిలో కేసీఆర్ ఉన్నారు. అందుకే సీఎం కుర్చీలో కేటీఆర్ ను కూర్చోబెట్టి తాను అనుకున్నది సాధించాలనేది కేసీఆర్ అభిప్రాయం. ఇప్పుడు ఆ సమయం కూడా వచ్చేయడంతో కేటీఆర్ పట్టాభిషేకం ముహూర్తం నిర్ణయించే పనిలో కేసీఆర్ ఉన్నారు. అంతా రెడీ ముహూర్తం కోసమే వెయిటింగ్.