నా జీవితంలో ఈరోజు మర్చిపోలేని రోజు.. ఎందుకం టే??

కళాకారుడికి అలసట అనేది ఉండదు. అందరికీ వినోదం పంచడమే మా పని . మా ముందు ఉన్నది మాత్రం ఒకటే లక్ష్యం ప్రేక్షకులను అలరించడం. దాదాపుగా 49 యేళ్లుగా కొనసాగుతున్న ఈ నట ప్రయాణం ఎప్పటికీ మరువలేనిది'' అన్నారు ప్రముఖ నటుడు నరేష్‌ వీకే. నిన్న ఆయన పుట్టిన రోజు. హైదరాబాద్ నగరంలో జరిగిన ఓ కార్యక్రమం లో తెలంగాణ న్యూ మంక్స్‌ కుంగ్‌ఫూ అసోసియేషన్‌కి అధ్యక్షుడిగా నరేష్‌ వీకేని ఎన్నుకున్నారు. ఇదే వేదికపై బుద్ధ బోధి ధర్మ 9వ వార్షికోత్సవ పురస్కారాల్ని పలువురు నటులు, సాంకేతిక నిపుణులకు తెలంగాణ రాష్ట్ర మంత్రి శ్రీనివాస్‌గౌడ్‌ అందజేశారు.

 ఈ సందర్భంగా నరేష్‌ మాట్లాడుతూ ''ఇప్పటి వరకు 150కిపైగా సినిమాల్లో విభిన్నమైన పాత్రలు చేశారని అన్నారు. మంత్రి మాట్లాడుతూ సినిమా పరిశ్రమకి ప్రభుత్వం అండగా ఉంటుందన్నారు. కార్యక్రమం లో నటులు అలీ, రాజీవ్‌ కనకాల, పవిత్ర లోకేష్‌, టార్జాన్‌, యం.అశోక్‌కుమార్‌, గణేష్‌, గౌతమ్‌ రాజు, కరాటే కల్యాణి, శ్రీపురం కిరణ్‌ తో పాటు, దర్శకుడు మోహన్‌కృష్ణ ఇంద్రగంటి తదితరులు పాల్గొన్నారు. ఈ కార్యక్రమానికి సంబంధించిన ఫోటోలు సోషల్ మీడియా లో చక్కర్లు కొడుతున్నాయి..