గ్రీన్ టీ..

గ్రీన్ టీ వల్ల చాలా ప్రయోజనాలు ఉన్నాయని నిపుణులు అంటున్నారు. ఇంకా చెప్పాలంటే.. యాంటీ ఆక్సిడెంట్లు పుష్కలంగా ఉండి కాలేయం పనితీరును పెంచుతాయి. మచ్చా టీ క్యాన్సర్‌ తో పోరాడటానికి సహాయ పడుతుంది. గుండె జబ్బులు, టైప్ 2 డయాబెటిస్, బరువు తగ్గడానికి సహాయపడుతుంది.

క్యాబేజీ..

క్యాబేజీలో రసాయన సల్ఫోరాఫేన్ ఉండి శరీరంలోని విషాలతో పోరాడటానికి సహాయ పడుతుంది. అలాగే యాంటీ ఆక్సిడెంట్ గ్లూటాథియోన్ కాలేయ పనితీరును పెంచుతుంది. ప్రేగు పని తీరును ప్రోత్సహించడం తో పాటు జీర్ణక్రియకు సహాయపడే ప్రయోజనకరమైన బ్యాక్టీరియా ఉంటుంది. 

బీట్ రూట్..

బీట్‌రూట్‌ పెద్ద మొత్తం లో ఫైబర్ కలిగివుండి.. కాలేయం లోని యాంటీ ఆక్సిడెంట్ ఎంజైమ్‌ల ఉత్పత్తిని పెంచుతాయి. కాలేయం, పిత్తాశయంలోని అదనపు పిత్తాన్ని తొలగించడానికి సహాయ పడతాయి. బీట్‌రూట్‌ లో మెగ్నీషియం, ఐరన్, విటమిన్ సీ వంటి పోషకాలు విరివిగా లభిస్తాయి.

వీటితో పాటుగా ఉదయాన్నే గోరు వెచ్చని నీటితో, తేనె నిమ్మరసం వేసుకొని తాగితే శరీరంలోని వ్యర్థాలు బయటకు వెళ్లిపోతాయి. ఆకుకూరలు కూడా శరీరానికి మంచి మేలును చేస్తాయి. నిమ్మ, ఆరెంజ్‌ పండ్లు తీసుకోవడం చాలా మంచిది. ఇవి విటమిన్ సీ తో నిండివుంటాయి. శరీరాన్ని దెబ్బతీసే ఫ్రీ-రాడికల్స్‌తో పోరాడుతాయి. వీటిలోని ఆల్కలైన్ శరీరం యొక్క పీహెచ్‌ సమతుల్యతను పునరుద్ధరించడానికి సహాయపడతాయి. అలాగే రోగ నిరోధక శక్తిని కూడా బలంగా చేస్తుంది. చూసారుగా వీటిని రోజూ తీసుకోవడం వల్ల మంచి ఫలితం ఉంటుంది..