2017 లో పది లక్షల రూపాయలకు ఇన్నోవా కార్ ఇప్పిస్తామని చెప్పి 10 లక్షలు మరో నెల రోజుల్లో మరో రెండున్నర లక్షలు తీసుకున్నారు. అయితే డబ్బులు చెల్లించాక కారు తన పేరు మీదకి ట్రాన్స్ఫర్ చేయమని కోరగా అప్పుడు అసలు విషయం వెలుగులోకి వచ్చింది. ఆ కారు మీద అప్పటికే 20 లక్షల ఫైనాన్స్ ఉందని వెలుగులోకి వచ్చింది. ఫైనాన్స్ ఉన్న విషయం చెప్పకుండా దాచి తనను మోసం చేసి కారు తనకు అమ్మారని రామకృష్ణ ఫిర్యాదులో పేర్కొన్నారు. ఎన్ని సార్లు డబ్బులు తిరిగి చెల్లించాలని కోరినా సరైన సమాధానం చెప్పకపోగా తప్పించుకు తిరుగుతున్నారని రామకృష్ణ ఫిర్యాదులో పేర్కొన్నారు.

ఇక విశ్వంత్ సినీ కెరియర్ కూడా అంతంత మాత్రంగానే ఉంది. ఉన్నత చదువుల కోసం అమెరికా వెళ్లిన విశ్వంత్ కు దిల్ రాజు నిర్మించిన కేరింత సినిమాలో నటించే అవకాశం వచ్చింది. దాని కోసం చదువు ఆపేసి వచ్చినా ఆ సినిమా అనుకున్నంత బాగా సక్సెస్ కాలేకపోయింది. ఆ తరువాత మనమంతా అనే సినిమాలో ఈయన నటించిన దానికి సరైన గుర్తింపు రాలేదు. గత ఏడాది బ్రహ్మాజీ కొడుకు హీరోగా నటించిన ఓ పిట్ట కథ సినిమాలో కూడా విశ్వంత్ సెకండ్ హీరోగా నటించాడు. ఆ సినిమా వల్ల కూడా ఈయనకి పెద్దగా గుర్తింపు రాలేదు. ఇలాంటి సమయంలో జాగ్రత్తగా ఉండాల్సింది పోయి ఇలా అనవసర వివాదాల్లో ఇరుక్కుంటే ఆయన సినీ కెరీర్ ని ఆయనే చేతులారా పాడు చేసుకున్నట్టే.