కానీ జనసేన విషయానికి వచ్చేసరికి ఆ పార్టీ అధినేత కాపు సామాజిక వర్గానికి చెందినవారు అయినా, జనసేన పార్టీ వైపు నిలబడకపోవడం జనసేన కు ఇబ్బందికరంగా మారింది. జనసేన పార్టీ పెట్టినప్పటి నుంచి పవన్ కాపు సామాజిక వర్గం లో నమ్మకం కలిగించ లేకపోవడం, ప్రజారాజ్యం సమయంలో ఎదురైన ఇబ్బందులు వంటివి ఇబ్బందికరంగా మారాయి. అలాగే గత టీడీపీ ప్రభుత్వం లో కాపులను బీసీలు చేర్చాలి అంటూ, ముద్రగడ పద్మనాభం వంటివారు గట్టిగానే ఉద్యమం చేసినా, పవన్ ఎక్కడ సంఘీ భావం ప్రకటించలేదు. కనీసం కాపులకు అండగా ఉంటానని భరోసా ఇవ్వలేకపోవడం వంటివి ఇబ్బందికరంగానే మారాయి. 

అప్పట్లోనే కాపులకు అండగా పవన్ నిలిచి ఉంటే, ఇప్పుడు ఈ పరిస్థితి వచ్చి ఉండేది కాదు. ఇప్పుడు బీజేపీ తో పవన్ పొత్తు పెట్టుకుని కాపులనూ దగ్గర చేసుకునేందుకు గట్టిగానే ప్రయత్నాలు చేస్తోంది. పూర్తిగా కాపు ముద్ర వేయించుకున్న ఫర్వాలేదు కానీ, అధికారం దర్శించుకుంటే చాలు అనే అభిప్రాయంలో బిజెపి ఉంది. బీజేపీ మాదిరిగా పవన్ చేసి ఉంటే ఈ పరిస్థితి వచ్చి ఉండేది కాదు. 2019 ఎన్నికల్లో దారుణమైన ఫలితాలు వచ్చి ఉండేవి కాదు అనేది విశ్లేషకుల అభిప్రాయం.