కానీ ఆ మాటను నిలబెట్టుకోవడానికి ప్రభాస్ ఇప్పుడు వరుస సినిమాలు అనౌన్స్ చేశాడు. ప్రస్తుతానికి ప్రభాస్ హీరోగా నటిస్తున్నరాధే శ్యామ్ సినిమా షూటింగ్ చివరి అంకంలో ఉంది. ఈ సినిమా షూటింగ్ ఏ రోజయినా ముగించవచ్చు. అలాగే ఆయన హీరోగా తెరకెక్కుతున్న సలార్ సినిమా కూడా ఫిబ్రవరి మొదటి వారం నుంచి షూటింగ్ మొదలు కానున్నట్లు చెబుతున్నారు. అంతేకాక ఈ సినిమా దర్శకుడు ప్రశాంత్ నీల్ షూటింగ్ కేవలం రెండు నెలల వ్యవధిలోనే పూర్తి చేయాలనే టార్గెట్ కూడా పెట్టుకున్నట్లుగా ప్రచారం జరుగుతోంది. 

అంతేకాక ఈ సినిమాని నిర్మాతలు దసరా సీజన్ రిలీజ్ చేయాలని భావిస్తున్నట్లు చెబుతున్నారు. అన్నీ అనుకున్నవి అనుకున్నట్లు జరిగితే ఈ ఏడాది వేసవి కాలంలో రాధేశ్యామ్ సినిమా, అలానే దసరా సీజన్ లో సోలార్ సినిమా తెలుగు ప్రేక్షకులను పలకరించనున్నాయి. ఆ విధంగా ప్రభాస్ తన ఫ్యాన్స్ కోరిక తీర్చేందుకు వరుస షూటింగ్ చేస్తూ రిస్క్ తీసుకుంటున్నాడు. అయితే ఇది ఎంత వరకు సఫలం అవుతుంది అనేది మాత్రం చూడాలి.