అధికార పార్టీ వైసీపీ పై విమర్శలు చేస్తూ, హడావుడి చేస్తోంది. ప్రధాన ప్రతిపక్షం తెలుగుదేశం పార్టీ స్థానాన్ని ఆక్రమించుకోవాలని చూస్తోంది. దీనికోసం  గట్టిగానే ప్రయత్నాలు చేస్తున్నారు. ఇప్పటికే టిడిపి కమ్మ పార్టీ, వైసిపి రెడ్డి పార్టీగా ముద్ర పడిన నేపథ్యంలో బీజేపీ ఇప్పుడు కాపులకు దగ్గరవ్వాలని చూస్తోంది. ఆ పార్టీలో కాపు నాయకుల ప్రభావం ఎక్కువగా ఉండేలా ఏర్పాట్లు చేసుకుంటోంది. ఏపీ బీజేపీ అధ్యక్షుడిగా ఉన్న సోము వీర్రాజు అదే కాపు సామాజిక వర్గానికి చెందిన వారు కావడంతో, ఆయన ద్వారా మిగతా బలమైన కాపు సామాజికవర్గ నేతలను బీజేపీలో చేర్చుకుని పనికి శ్రీకారం చుట్టారు. మాజీమంత్రి కాపు ఉద్యమ నాయకుడు ముద్రగడ పద్మనాభం ను చేర్చుకునేందుకు బిజెపి ఎన్నో రకాల ప్రయత్నలు చేస్తోంది. 

 రాజ్యసభ సభ్యత్వం ఇచ్చి పార్టీలో కి తీసుకు రావడం ద్వారా  మొత్తం కాపు సామాజిక వర్గం అంతా బిజెపికి అండగా నిలబడుతుందని, అప్పుడు అధికారంలోకి రావచ్చని లెక్కలు వేసుకుంటోంది. దీంతోపాటు జనసేన పార్టీ తో పొత్తు ఉంది కాబట్టి  ఆ పార్టీ అధినేత పవన్ కళ్యాణ్ సామాజిక వర్గానికి చెందిన వారికి అండదండలు తమకు కలిసి వస్తాయని బిజెపి నమ్ముతోంది. జనసేన బిజెపి పొత్తు ద్వారా సులువుగా అధికారంలోకి వస్తామనే నమ్మకంతో బిజెపి ఉంది. అందుకే ఇప్పుడుఆయనకుకాపు సామాజిక వర్గం పై పూర్తిగా ఆశలు పెట్టుకుని బీజేపీ దానికి అనుగుణంగా  ఏర్పాట్లు చేసుకుంటోంది. కాపు సంఘాల నాయకులను చేర్చుకుని తద్వారా కాపులకు దగ్గరవ్వాలనే లెక్కల్లో బిజెపి ఉన్నట్లుగా వ్యవహారం కనిపిస్తోంది. బీజేపీ ఎత్తుగడలు ఎంతవరకు కలిసి వస్తాయి అనేది ముందు ముందు చూడాలి.